पोखरा रंगशालामा मंगलबार बिहान ११ बजे पोखरा प्रिमियर लिग टि-२० क्रिकेट प्रतियोगिताको फाइनल खेल आयोजना हुँदै छ। फाइनलमा शरद भेसावाकर कप्तानीको पोखरा पल्टनले पारस खड्काको चितवन राइनोजको सामना गर्दै छ।
उक्त फाइनल खेलको प्रमुख अतिथिको रुपमा नेपालका पुर्व-प्रधानमन्त्री तथा नेपाल कम्युनिस्ट पार्टीका अध्यक्ष पुष्पकमल दाहाल ‘प्रचण्ड’ आउने भएका छन्। प्रतियोगिता आयोजना गरिरहेको क्विन्स इभेन्ट मेनेजमेन्टका प्रबन्ध निर्देशक छुम्बी लामाले सामाजिक सन्जालमा यसबारे जानकारी गराएका हुन्।