एनएनआईपीए अवार्ड : कमल र अनु सर्वोत्कृष्ट, कुन खेलमा कसले पाए अवार्ड?

काठमाडौं – नेपाल राष्ट्रिय तथा अन्तर्राष्ट्रिय खेलाडी संघले बिगत १५ बर्ष यता प्रदान गर्दै अईरहेको एनएनआईपीए बर्ष उत्कृष्ट खेलाडी’ अवार्डबाट २९ खेलका खेलाडीलाई सम्मानित गरेको छ ।

एनएनआइपीएले ललितपुरस्थित पाटन दरबार स्क्वायरमा आयोजना गरेको १३औँ एनएनआइपीए अवार्डमा भारोत्तोलनका कमल बहादुर अधिकारी र करातेकी अनु अधिकारी सर्वोत्कृष्ट खेलाडी घोषित भए।

२९ उत्कृष्ट खेलाडीमध्येबाट महिला र पुरुषको सर्वोत्कृष्ट चयन गरिएको हो। दुवैले जनता बैँक नेपालले प्रायोजन गरेको नगद १-१ लाख पुरस्कार पाए।

यस्तै २९ विधामा उत्कृष्ट हुने खेलाडीले १०-१० हजार नगद पुरस्कार पाएका छन् । यस्तै विजेता खेलाडीको फोटोसहितको क्यालेन्डर प्रकाशन हुनेछ । यसका साथै संघले ओलम्पिक छनोटको दोस्रो चरणमा पुग्न सफल नेपाली महिला टोलीलाई सम्मान गरेको छ ।

बर्ष उत्कृष्ट खेलाडी अवार्ड पाउने खेल  र खेलाडीहरु

फुटबल : सावित्रा भण्डारी

भलिबल : इम राना मगर

सुटिङ  : सुस्मिता नेपाल

बक्सिङ : पिङ्गला श्रेष्ठ

भारोत्तोलन : कमल बहादुर अधिकारी

लन टेनिस : प्रणव खनाल

सफ्ट टेनिस : युकेस योन्जन

कबड्डी : नागेश्वर थारु

पौडी : गौरिका सिंह

टेबल टेनिस : स्यान्टु श्रेष्ठ

फेन्सिङ : जंग गिरी

हक्की : मनोज चौधरी

स्क्वास : भावना सुनुवार

सेपाताक्रो : रुपेश सुनार

साइक्लिङ : नारायण गोपाल महर्जन

खोखो : सन्तोस बोहोरा

बास्केटबल : मनिष राज उपाध्याय

तेक्वान्दो : सुनिता तामाङ

ब्याडमिन्टन : नङसदेवी तामाङ

ट्रायथलन : बसन्त थारु

ह्याण्डबल : बन्दना राई

कराते : अनु अधिकारी

जुडो : मनिता श्रेष्ठ प्रधान

उसु : अमर सुनार

आर्चरी : रमेश भट्टचन

एथलेटिक्स : विश्व रुपा बुढा

गल्फ : टंक बहादुर कार्की

कुस्ती : माया लोहाल

तेक्वान्दो : अस्मिता खड्का

२०७५ पुष १३, शुक्रबार मा प्रकाशित

Leave a Comment