अन्तर्राष्ट्रिय तेक्वान्दोमा नेपाललाई दोस्रो स्थान

काठमाडौं-भारतको मुम्बईमा जारी अन्तराष्ट्रिय मार्सल आर्ट्स एन्ड तेक्वान्दो च्याम्पियनसिपमा नेपाली तेक्वान्दो टोलीले दोस्रो स्थान हाँसिल गरेको छ । सोमबार सम्म चरेको प्रतियोगितामा नेपालले १७ स्वर्ण, ११ रजत र ७ कांस्य गरी ३४ पदकसहित दोस्रो स्थान हासिल गरेको हो

च्याम्पियनसिपको फाइटमा मोहम्मद उमर खानले सिनियर ५४ केजी, अब्बास खानले जुनियर ५८ केजी, निशा श्रेष्ठले सिनियर ५२ केजी र रञ्जित भण्डारीले जुनियर ५४ केजीमा स्वर्ण जित्दा पुम्सेमा पनि स्वर्ण जितेको टोलीका प्रशिक्षक रोशन खानले जानकारी दिए ।

समीर डल्लाकोटीले फाइटतर्फ जुनियर ४५ केजीमा नेपाललाई स्वर्ण जित्दा समीक्षा भण्डारी, चाँदनीकुमारी गुप्ता, हेमराज गुरुङ, सचिन थापामगर र सबिन सार्कीले फाइटमा स्वर्ण र पुम्सेमा रजत पदक जित्न सफल भए ।

त्यसैगरी फाइटङतर्पफ जिप्सन नेपाल, राजेशकुमार तमाङ र इमरान नजिर सेखले स्वर्ण जिते । सुपृका गुरुङ र हेमन गुरुङले दुवै विधामा रजत र कांस्य जित्न सफल भए । पुम्सेमा युनिशा दराइले रजत, फाइटङमा आयुशा श्रेष्ठ, महेशकुमार शाहले रजत पदक र पृति गुरुङले कांस्य पदक प्राप्त गरे ।

त्यस्तै, मेलिना गुरुङ, दीपनारायण चौधरी र जाहिद उल्लाले फाइटतर्पm कांस्य पदक जित्न सफल भए । नेपाली टिमको मुख्य प्रशिक्षक रोशन खान, सहायक प्रशिक्षक धनबहादुर दराई, अफिसियलमा किशोर गुरुङ र कृष्णप्रसाद शिलवाल छन् । नेपाली टोलीलाई कोरियाली ग्रान्ड मास्टर किम हुम योङ र हिन्दी चलचित्रका अभिनेता तथा डाइरेक्टर शाहिल खानले पुरस्कृत गरे ।

 

२०७५ माघ १५, मंगलवार मा प्रकाशित

Leave a Comment