अमितले अर्धसतक बनाउदा धनगढीले काठमाडौंलाई दियो १३३ रनको लक्ष्य

धनगढी– सोमबारबाट फाप्ला क्रिकेट मैदानमा सुरु भएको तेस्रो संस्करणको धनगढी प्रिमयर लिग (डिपिएल) टी–२० क्रिकेटको पहिलो खेलमा घरेलु टोली धनगढी स्टार्सले काठमाडौं गोल्डेन्स्लाई १३३ रनका लक्ष्य प्रस्तुत गरेको छ ।

आज भएको पहिलो खेलमा टस हारेर पहिले ब्याटिङको निम्तो पाएको स्टार्सले ५ विकेट गुमाउँदै १३२ रन जोडेको हो ।

खेलको सुरुवात देखिनै खराव प्रदर्शन गरेको स्टार्सका लागि अमित श्रेष्ठले अर्धसतक बनाउन सफल भए । उनले ५० बलमा २ छक्का र ४ चौकाको मद्दतमा ५० रनको योगदान गरे ।

त्यस्तै सन्दिप रजाईलीले २८ रन जोड्न सफल भए । त्यस्तै पवन सराफले १९ रन बनाउदा सौरब खनालले नट आउट २५ रन बनाउन सफल भए । धनगढीका सुनिल धमलाले ३ रन बनाउदा रोहन मुस्तफा सुन्य रनमा आउट भए । कप्तान सोमपाल कामीले कुनै पनि रन जोड्न सकेनन् ।

बलिङतर्फ काठमाडैंका नन्दन कुमार यादवले सर्वाधिक २ विकेट लिए । ललित राजवंशि र अमित दवासले समान १–१ विकेट लिए ।
अवको केहि समयमा काठमाडौंले ब्याटिङ गर्दै छ ।

२०७५ माघ २८, सोमबार मा प्रकाशित

Leave a Comment