काठमाडौँ : नेपालको राष्ट्रिय पुरुष फुटबल टिमले एक साताको अन्तरमा दुई वटा मैत्रीपूर्ण खेल खेल्ने भएको छ। अखल नेपाल फुटबल संघ (एन्फा) ले नेपालले कुवेत र मलेसियासंग खेल्न लागेको जनाएको हो।

एन्फाका अनुसार नेपालले मार्च २१ मा कुवेत र मार्च २६ मा मलेसियासंग खेल्नेछ। नेपालले कुवेतसंग पाँचौ र मलेसियासंग सातौ पटक खेल्न लागेको हो।

यस खेलको लागि नेपालका मुख्य प्रशिक्षक योहान कलिनले छिट्टै टिमको घोषण गर्ने एन्फाले जनाएको छ।

उनले आफ्नो लागि पहिलो काम रहेको र महत्वपूर्ण अनुभव हुने बताएका छन्। यस बाट नेपाली टिमको अहिलेको अवस्था पनि थाहा हुने उनले बताए।

कलिनलाई राष्ट्रिय टिम तयारीमा नेपालका किरण श्रेष्ठले सघाउने एन्फाले जनाएको छ।

 

(फाइल फोटो)