साफ महिला च्याम्पियनसिप : माल्दिभ्स बाहिरियो, श्रीलंका र भारत एक खेल अघि नै सेमिफाइनलमा

विराटनगर : श्रीलंका र भारत एक खेल खेल्नुअघि नै पाँचौ साफ महिला च्याम्पियनसिपको सेमिफाइनलमा पुगेको छ।

समूह बी अन्तर्गत शुक्रवार भएको खेलमा माल्दिभ्सलाई २-० ले पराजित गर्दै श्रीलंका एक खेल अघि नै सेमिफाइनल पुगेको हो। यस खेलको नतिजापछि पहिलो खेलमा माल्दिभ्सलाई ६-० ले पराजित गरेको भारत पनि अन्तिम चारमा पुगेको छ।

लगातार दुई हारपछि माल्दिभ्स भने समूह चरणबाटै बाहिरिएको छ।

विराटनगरको शहिद रंगशालमा भएको खेलमा श्रीलंकालाई जित दिलाउन चालानी कुमारी इकानायाकेले ४०औँ र ५०औँ मिनेटमा गोल गरेकी थिइन्।

भारत र श्रीलंकाले समूह चरण पार गरेपछि सेमिफाइनल पुग्ने चार वटै टोलको टुङ्गो लागिसकेको छ। यसअघि नै समूह ए बाट घरेलु टोली नेपाल र बंगलादेश सेमिफाइनल पुगिसकेका छन् भने भुटान बाहिरिएको छ।

अब समूह ए मा नेपाल र बंगलादेश तथा समूह बी मा भारत र श्रीलंकाबीच हुने खेलपछि दुवै समूह्यको समूह विजेता र उपविजेताको निर्णय हुनेछ।

नेपाल र बंगलादेशबीचको खेल शनिवार हुनेछ भने भारत र श्रीलंका आइतवार खेल्नेछन्।

२०७५ चैत्र १, शुक्रबार मा प्रकाशित

Loading...

Leave a Comment