विराटनगर : पाँचौ साफ च्याम्पियनसिपको उपाधिका लागि नेपाल र भारतबीच प्रतिस्पर्धा हुने भएको छ।
विराटनगरस्थित शहिद रंगशालमा भइरहेको च्याम्पियनसिपमा दोस्रो सेमिफांइनलमा भारतले बंगलादेशलाई ४-० ले पराजित गर्दै नेपालसँगको फाइनल भेट तय गरेको हो। त्यसअघि आजै भएको पहिलो सेमिफाइनलमा नेपालले श्रीलंकालाई ४-० ले पराजित गर्दै चौथो पटक फाइनलमा स्थान बनाएको हो।
सुरुको तीन संस्करणमा भारतसँग फाइनलमा पराजित भएको नेपाल पछिल्लो पटक सेमिफाइनलमै भारतसँग हारेको थियो। भारत र नेपाल बीच उपाधिको लागि शुक्रबार दिउसो ३ बजे प्रतिस्पर्धा हुनेछ।
पहिलो पटक घरेलु मैदानमा भइरहेको साफमा नेपाल ५ वर्षपछि फाइनल पुगेको हो।
भारतलाई सेमिफाइनलमा श्रीलंका विरुद्ध जित दिलाउन इन्दुमतीले दुई तथा डालिमा छिब्बर र मनिसाले एक-एक गोल गरिन्।
भारतले समूह चरणमा माल्दिभ्सलाई ६-० र श्रीलंकालाई ५-० ले पराजित गरेको थियो।
नेपालले साफमा भारतसँग यसअघि चार खेल खेल्दा चारवटैमा हार बेहोरेको छ। यस पटक उपाधि जित्ने लक्ष्य राखेको नेपालल भारतलाई फाइनलमा हराउदै सबै हारको बदला लिने दाउमा छ।