पाँचौ सुशील केडिया मेमोरियल अन्तर स्कुल फुटबल प्रतियोगिताको उपाधि लिटल एन्जल्स स्कुलले जितेको छ।
डीएभी स्कुल मैदानमा सम्पन्न प्रतियोगिताको बिहिबार सम्पन्न फाइनलमा लिटल एन्जल्सले नेपाल पुलिस स्कुललाई २-१ गोल अन्तरले पराजित गर्यो। लिटल एन्जल्सको लागि सुशान्त गुरुङ र मुनाल थापाले १-१ गोल गरे भने नेपाल पुलिस स्कुलका समिर बमले १ गोल गरे।
३ दिन सम्म चलेको प्रतियोगितामा उपत्यकाका कुल १७ टोलिको सहभागिता रहेको थियो।
प्रतियोगिताको सर्वाधिक गोलकर्ता अक्सिडेन्टल पब्लिक स्कुलका संकेत पराजुली रहे जसले कुल ५ गोल गरे। प्रतियोगिताकै उत्कृस्ट गोलकिपर लिटल एन्जल्सका आयुष आनन्द तथा इमर्जिंग प्लेयर नेपाल पुलिस स्कुलका समिर बम घोषित भए। एडीफाई इन्टरनेसनल स्कुलले फेयर प्ले अवार्ड पायो।
