बिरगंजमा भदौ २० गते एसिड आक्रमणमा परेकी मुस्कान खातुनलाई भेट्न नेपाली क्रिकेट टिमका कप्तान पारस खड्का अस्पताल पुगेका छन् । १५ बर्षीय खातुन एसिड आक्रमणपछि उपचारको लागि काठमान्डौ स्थित किर्तिपुर अस्पतालमा छिन ।
मुस्कानलाई भेटेपछि पारसले सामाजिक संजालमा लेख्दै उनि खुसि रहेको र सबैको लागि प्रेरणा भएको बताएका छन् । उनले लेखेका छन्, “उनि खुसि छन् र सबैको लागि प्रेरणा हुन् । उनि जसरि मुस्कुरईराहेकी छन् त्यसरी नै सधै भरि मुस्कुराउन भगवानले उनलाई सहास प्रदान गरुन् ।”
त्यस्तै पारसले यस्ता किसिमका क्रियाकलाप गर्नेहरु बिरुद्द सरकारले कडा कदम चालोस भन्ने सुझाब ब्यक्त गरे ।
कप्तान पारस संगै प्रशिक्षक उमेश पटवाल र खेलाडीहरु सोमपाल कामि र अभिनाश बोहरापनि अस्पताल पुगेका थिए । पारस खड्काले मंगलबार कप्तानीबाट राजिनामा दिएको घोषणा गरेपनि क्यानले अझै उनको राजिनामा स्वीकृत गरिसकेको छैन ।
मुस्कानलाई भेट्न यसअघि राजेश हमाल, राजु लामा जस्ता चर्चित व्यक्तिहरु पुगिसकेका छन् भने अमिताभ बच्चन, कृति सनोन जस्ता बलिवूड कलाकारले पनि सामाजिक संजाल मार्फत हौसला प्रदान गरेका छन् ।