विश्व क्रिकेटका नियम बनाउने क्रिकेट क्लब मेरिलेबोन क्रिकेट क्लब नेपाल भ्रमणमा आउने भएको हो । टिम कार्तिक तेस्रो साता नेपाल आउदै छ ।
दश दिनसम्म नेपालमा रहने टिमले काठमान्डौ र पोखरामा तिन दिवसिय, एकदिवसिय र टि-२० खेल खेल्नेछ । तर कुन खेल कतिवटा हुने भन्नेबारे एकिन भईसकेको छैन । एकदिवसिय र टि-२० खेलमा उमेर समुहका खेलाडीको समेत सहभागिता रहने छ भने तिन दिवसियमा राष्ट्रिय टिमले सहभागिता जनाउने छ । उक्त भ्रमण नोभेम्बर २ देखि १२ तारिख सम्मको हुनेछ ।
नेपालले सन् २००३ मा घरेलु मैदानमा नै पहिलोपल्ट एमसिसीसंग खेलेको थियो । इंग्ल्याण्डको प्रथम श्रेणी क्रिकेटका चर्चित पाउल एट्किन्सको कप्तानीमा नेपाल आएको एमसीसीले ३ वटा ४५ ओभरको खेल खेलेको थियो । उक्त सिरिज एमसीसीले क्लिन स्विप गरेको थियो ।
त्यसपछि एमसीसी पुन: २००९ मा नेपाल आयो । इंग्ल्याण्डका पुर्व टेस्ट क्रिकेटर मिन पटेलको नेतृत्वमा रहेको एमसीसीले ३ एकदिवसीय र एक एक तिन दिवसिय र टि-२० खेल खेलेको थियो । उक्त सिरिजको तिन दिवसियमा नेपालले १ पारि र ११७ रनको फराकिलो जित निकालेको थियो । त्यस्तै नेपालले तिन एकदिवसीयमा २-१ र टि-२० मा १-० को जित निकालेको थियो ।
त्यसपछि सन् २०१५ मा पुन: नेपाल आएको एमसीसीले किर्तिपुर मैदान, पोखरा मैदान र मुलपानी मैदानमा गरि ६ खेल खेलेको थियो ।
लगत्तै सन् २०१६ मा नेपाल र बेलायतको दैत्य सम्बन्धको २०० औं बर्ष उत्सब मनाउन नेपाल पहिलोपल्ट एमसीसीको घरेलु मैदान अर्थात विश्व क्रिकेटको मक्का मानिने लर्ड्स मैदानमा पुगेको थियो । जुन नेपालको पहिलो लर्ड्स भ्रमण समेत थियो । सो अवसरमा खेलिएको एकमात्र एकदिवसीय खेलमा नेपालले एमसीसीलाई ४१ रनले पराजित गरेको थियो ।
नेपालले फेरी नेदरल्याण्डसमेत सम्मिलित त्रिकोणात्मक सिरिजमा लर्ड्सको भ्रमण गर्यो । श्रीलंकाका पुर्व कप्तान माहेल जयवर्धनेको कप्तानीमा रहेको एमसीसीसँग ६ ओभर (२० ओभरको खेलमा बर्षाले प्रभावित पारेपछि ) को खेलमा नेपालले ९ विकेटको सानदार जित निकालेको थियो ।