प्रधानमन्त्री ओलीसंग सचिनको भेट, विहान पुगे पशुपतिनाथ ( फोटो फिचर )

युनिसेफको सद्भावना दुतको रुपमा नेपाल भ्रमणमा आएका विश्व प्रख्यात क्रिकेटर सचिन तेन्दुलकरले प्रधानमन्त्री केपी शर्मा ओलीसंग आइतबार भेट गरेका छन्। बालुवाटार स्थित प्रधानमन्त्री निवासमा सचिन पुगेका हुन्।

प्रधानमन्त्री ओलीसंग भेटमा उनले नेपाल सरकारले बालबालिकाहरुको कल्याण र अधिकार प्रवर्धनमा गरेको प्रयासको प्रसंशा गरेको प्रधानमन्त्री कार्यालयले बताएको छ।

सचिनसंगको भेट बारे प्रधानमन्त्रि ओलीले ट्वीटर मार्फत फोटो सार्वजनिक गरेका छन्। “युनिसेफका सद्भावना दुत सचिनलाई भेट्दा खुसि लागेको छ। उनले नेपाल सरकारले बालबालिकाहरुको कल्याण र अधिकार प्रवर्धनमा गरेको प्रयासको तारिफ गरेका छन्” ट्विटमा लेखिएको छ।

प्रधानमन्त्रीसंग भेट अघि सचिन विहान पशुपतिनाथ मन्दिर दर्शन गर्न पुगेका थिए।

पशुपति नाथमा सचिन तेन्दुलकर ( फोटो – अन्नपूर्ण पोस्ट )
( फोटो – अन्नपूर्ण पोस्ट )

युनिसेफको बल अधिकार सम्बन्धि महासन्धि पारित भएको ३० वर्ष पुगेको उपलक्ष्यमा नेपाल आएका सचिनले  शनिवार त्रिभुवन विश्वविद्यालय क्रिकेट मैदानमा बालबालिकाहरुसंग प्रदर्शनी खेल खेलेका थिए। सचिन सोहि दिन बेलुका काभ्रेको पात्लेखेल पुगेका थिए।सचिन आजै स्वदेश फर्किने तालिका रहेको छ।

सचिन शनिबार बेलुका काभ्रेको पात्लेखेल पुगेका थिए जहाँ उनलाई स्थानियले ढाका टोपी लगाएर स्वागत गरेका थिए।

सचिनले शनिवार बालबालिकाहरुसंग टियु मैदानमा क्रिकेट खेलेका थिए 

Photo – Binod Pandey , Twitter

२०७६ मंसिर १, आईतवार मा प्रकाशित

Loading...

Leave a Comment