पोखरा, गण्डकी प्रदेशका मुख्यमन्त्री पृथ्वी सुब्बा गुरुङले पोखरा रंगशालाको निरिक्षण गरेका छन् । १३ औं दक्षिण एशियाली खेलकुद (साग) तयारीको लागि निमार्णधीन अवस्थामा रहेको पोखरा रंगशालाको निरिक्षण गर्दै मुख्यमन्त्री गुरुङले पुर्वाधार निमार्णको लागि केहि रकमतत्कालै क्याविनेट बैठक बसि विनियोजित गर्न सक्ने बताएका छन् ।

‘साग सम्पन्न गर्न रकमको अभाव छ भने हामी तत्काल निर्णय गरि विनियोजित गर्छौ, यो गण्डकी प्रदेशको पनि गौरवको विषय हो’– मुख्यमन्त्री गुरुङले भने । उनी सहित सामाजिक विकास मन्त्री नरदेवि पुन, १३ औँ साग समितिका पदाधिकारी, खेलकुद पदाधिकारी पत्रकार लगायतको टोलीले रंगशालाको निरिक्षण गरेका थिए ।

सागलाई सफलतापूर्वक सम्पन्न गर्न आयोजक समितिलाई सबैले सहयोग गर्नुपर्ने धारणा राख्दै मन्त्री गुरुङले पोखरा रंगशालामा निर्माणाधीन पोखरा फुटबल मैदान, क्रिकेट मैदान, आर्चरी, व्याटमिन्टन, वहुउदेश्यीय कभर्डहलको निरिक्षण गर्दै साग आायोजक समितिका पदाधिकारी समेतलाई भेटि रंगशालाको बारेमा जानकारी लिएका थिए ।

मंसिर १५ गते देखि २४ गते सम्म हुने साग पोखरामा ९ खेल हुने भनिएपनि सहभागी टिम नपुग्दा प्याराग्लाइडिङ भने नहुने भएको छ । पोखरामा महिला फुटबल, महिला क्रिकेट, आर्चरी, ह्याण्बल, ब्याटमिन्टन, ट्राइयाथोलन, विच भलिबल र भारोत्तोलन सहित आठ खेल हुँदैछन ।