साग फुटबलमा १४ हजार टिकट बिक्रि गरिने, यसरी काट्न सकिन्छ

दक्षिण एसियाली फुटबल (साग) अन्तर्गतको दशरथ रंगशालामा आयोजना हुने पुरुष फुटबल प्रतियोगिताको लागि हरेक दिन १४ हजार टिकट बिक्रि गरिने भएको छ ।

२०७२ सालमा आएको भुकम्पले क्षतिग्रस्त बनेको नेपालको एकमात्र अन्तराष्ट्रिय फुटबल मैदान करिब ५ बर्षपछि खेल्न योग्य बनेको हो । यसलाई खेल्न योग्य बनाउन र अन्य अन्तर्राष्ट्रिय प्रतियोगिता आयोजना गर्नको लागि पुन अन्तराष्ट्रिय योग्यता प्राप्त बनाउंदै १५ हजार सिटहरु समेत जडान गरिएको छ । तर सिट संख्या १५ हजार भएपनि दर्शकले भने १४ हजार टिकटमात्र काट्न पाउने छन् ।

सागमा आयोजक रहेको नेपालको सहभागी टिमले केहिदिन अघि रंगशाला पुगेर अभ्यास समेत गरिसकेको छ ।

यसरी काट्न सकिन्छ टिकट

यस प्रतियोगिताको लागि दर्शकले अनलाईन पार्टनर रहेको ई-सेवाको मोबाइल एप्लिकेसन र वेबसाइटबाट काट्न सक्नेछन् । प्रतियोगिताको उद्घाटन दशरथ रंगशालामा नै मङ्सिर १५ गते हुनेछ जसको लागि तयारी जारि रहेको छ । प्रतियोगिता मङ्सिर १५ गतेदेखि औपचारिक रुपमा सुरु हुने भएपनि भलिबल अन्तर्गतका खेल भने बुधबारबाट सुरु भईसकेका छन् ।

दर्शकले दशरथ रंगशालामा फुटबलको लागि साधारण तर्फ़ ५०० र भिआईपी तर्फ १००० रुपैयाँको टिकट काट्न सक्नेछन । टिकट काट्दा सिट नम्बरपनि उपलब्ध हुने ई-सेवाले जनाएको छ । खेल हुने दिन अनिवार्य रुपमा टिकटको प्रमाण र आफ्नो परिचय खुले कागजपत्र बोकेर जानुपर्नेछ । फुटबल तर्फका खेलहरु मङ्सिर १६ गतेदेखि सुरु हुनेछन ।

२०७६ मंसिर १२, बिहीबार मा प्रकाशित

Loading...

Leave a Comment