आयोजक ग्रेट हिमालयलाई दुई दिवसीय लिगको उपाधि, सुर्य तामांग प्रतियोगिताकै उत्कृस्ट

काठमाडौं । दोस्रो संस्करणको अर्किड हिमालय क्रिकेट लिग ( एचसिएल ) यु -१९ दुईदिवसीय क्रिकेट प्रतियोगिताको उपाधि वाइ वाइ ग्रेट हिमालय क्रिकेट एकेडेमी ( जिएचसिए ) ले उचालेको छ ।

सोमबार प्रतियोगिताको फाइनल खेलमा काठमाडौं क्रिकेट ट्रेडिङ सेन्टर ( केसीटिसी) लाई १ विकेटले पराजित गर्दै ग्रेट हिमालय प्रतियोगिताको च्याम्पियन बनेको हो ।

खेलमा केसीटिसीले प्रस्तुत गरेको १ सय १५ रनको विजयी चुनौतीलाई पछ्याउँदै जवाफी ब्याटिङ गरेको ग्रेट हिमालयले उक्त चुनौतीलाई ५६.५ ओभरमा ९ विकेट गुमाएर पूरा गरेको थियो ।

टिमलाई प्रतियोगिताको च्याम्पियन बनाउँने क्रममा ब्याटिङतर्फ दोस्रो ईनिङमा आयुश बस्नेतले सर्वाधिक २४ रनको योगदान गरेका थिए । अभिषेक बस्नेतले १९ रन , रासिद खानले १८ रन , सङ्गीत बुढाथोकीले १६ र टिमलाई अन्तिममा जिताउँन महत्वपूर्ण भूमिका निर्वाह गरेका प्रशान्त सिंहले अविजित रह्दै १६ रनको योगदान गरेका थिए ।

बलिङतर्फ केसीटिसीका तिलक भण्डारीले एक्लैले ६ विकेट लिए भने सुर्य तामाङ २ र विपिन आचार्यले १ विकेट लिएका थिए ।

यसअघि आईतबार फाइनलको पहिलो दिन मूलपानी क्रिकेट मैदानमा टस हारेर पहिले ब्याटिङ गरेको केसीटिसी २४.३ ओभरमा अलआउट हुँदै ८० रन बनाएको थियो ।

ब्याटिङका केसीटिसीका विबेक राना मगरले सर्वाधिक १८ तथा सचिन लखाह १४ रन र निर्भीकले १३ रन बनाएका थिए ।

बलिङतर्फ ग्रेट हिमालयका अरियो पौडेलले ३ तथा सोनु देवकोटा , मोहम्मद हुसेन र विबेक यादवले समान २/२ विकेट लिएका थिए । भने रासिद खानले १ विकेट हात पारेका थिए ।

त्यसपछि आफ्नो पहिलो ईनिङ सुरु गरेको ग्रेट हिमालय पनि सस्तैमा समिटिने क्रममा २९.४ ओभरमा अलआउट हुँदै ग्रेट हिमालयले मात्र ६२ रन बनायो ।

उसका लागि ओपनर ब्याट्सम्यान आयुशमान बमले १३ रन र सोनु देवकोटाले १४ रन बनाउनु बाहेक अन्य खेलाडीले दोहोरो अंकसमेत जोड्न सकेनन् ।

बलिङतर्फ केसीटिसीका सुर्य तामाङ एक्कैले ७ विकेट लिए भने तिलक भण्डारीले पनि ३ विकेट लिएका थिए ।

पहिलो ईनिङको समाप्ती पछि दोस्रो ईनिङमा केसीटिसीले २८ ओभरमा आफ्नो सबै विकेट गुमाएर ९६ रन जोड्यो । र ग्रेट हिमालयलाई खेल जित्नका लागि १ सय १५ रनको विजयी लक्ष्य प्रस्तुत गर्यो । र सोमबार ग्रेट हिमालयले त्यसलाई १ विकेट बाँकी रहदै पूरा गर्दै प्रतियोगिताको च्याम्पियन बन्यो ।

दोस्रो ईनिङमा केसीटिसीका राहुल भण्डारीले २७ तथा विपिन आचार्यले १७ रन बनाएका थिए ।

बलिङतर्फ ग्रेट हिमालयका रासिद खान एक्कैले ५ विकेट लिए भने अरियो पौडेलले ४ र सोनु देवकोटाले १ विकेट हात पारे ।

उपाधिसँगै वाइ वाइ ग्रेट हिमालय क्रिकेट एकेडेमीले नगद १ लाख ५० हजार प्राप्त गर्यो भने उप – विजेता केसीटिसीले नगद ७५ हजार प्राप्त गर्यो ।

यता प्रतियोगिताको सर्वोउत्कृष्ट खेलाडी केसीटिसीका सुर्य तामाङ घोषित भए । उनले नगद २५ हजार प्राप्त गर्दा प्रतियोगिताको उत्कृष्ट ब्याट्सम्यान ग्रेट हिमालयका आसिफ शेख घोषित हुँदा उत्कृष्ट बलर केसीटिसीका तिलक भण्डारी चयन भए भने ग्रेट हिमालयका अरियो पौडेल उदायमान खेलाडी घोषित भए ।

उत्कृष्ट बलर र ब्याट्सम्यानले जनही समान १०/१० हजार नगद प्राप्त गर्दा उदायमान खेलाडी अरियोले आकर्षक पुरस्कार सामाग्री प्राप्त गरे ।

हिमालय क्रिकेट म्यानेजमेन्टको आयोजनामा भएको नेपालको पहिलो यु-१९ दुईदिवसीय क्रिकेट प्रतियोगितामा कुल ६ टिमको सहभागिता रहेको थियो ।

२०७६ फाल्गुन १९, सोमबार मा प्रकाशित

Loading...

Leave a Comment