एक अन्तर्वार्तामा तराईबासी जनताको राष्ट्रियतासम्बन्धी भावनालाई लिएर विवादास्पद अभिव्यक्तिलाई दिएका अखिल नेपाल फुटबल संघ (एन्फा)का अध्यक्ष कर्मा छिरिङ शेर्पाले माफी मागेका छन् ।
शेर्पाले बुधबार बिज्ञप्ति मार्फत आफ्नो मनसाय गलत नभएको भन्दै माफी मागेका हुन्।
“उक्त अन्तर्वार्तामा मैले दिएको अभिव्यक्ति कुनै सम्प्रदाय, वर्ग, जाति, लिङ्ग, भाषाभाषी, प्रदेश र भुगोलप्रति लक्षित नगरेको र नभएको स्पष्ट पार्न चाहन्छु ।”
“मेरा भनाईहरुलाई तोडमोड गरी फुटबलप्रति वितृष्णा उत्पन्न गराउने मनसायबाट प्रेरित तत्वले एन्फा र यसको नेतृत्वको छवि धमिल्याउने र हुँदै आएको फुटबलको विकासको गतिमा अवरोध पुर्याउने योजना मुताबिक आएको बुझ्न अनुरोध गर्दछु ।
“विशुद्ध हिसाबले नेपालमा फुटबलको विकास गर्ने उद्देश्य मात्र रहेको र यसैको उदाहरण स्वरुप फिफाको एक महत्वकांक्षी कार्ययोजनालाई पनि तराईकै भूभाग रौतहट जिल्लामा निर्माण गरी सकेका छौं । साथै उक्त क्षेत्रमा आगामी बजेट तथा नीति तथा कार्यक्रममा समेत त्यसै क्षेत्रलाई प्राथमिकता दिई कार्ययोजना तयार भइहेको जानकारी गराउँदछु ।” शेर्पाले बताएका छन्।
प्रेस बिज्ञप्ति हेर्नुस
