१४ दिन क्वारेन्टाइन पछि सुरु भयो वेस्टइन्डिजको अभ्यास खेल ( फोटो फिचर र स्कोर सहित )

टेस्ट सिरिज खेल्न इंग्ल्यान्ड पुगेको वेस्टइन्डिज क्रिकेट टिमले १४ दिन अनिवार्य क्वारेन्टाइनमा बसेपछि मंगलबार म्यानचेस्टरमा अभ्यास सुरु गरेको छ। भ्रमणमा पुगेको २५ सदस्यीय टिमलाई दुइ भागमा बाँड्दै आफु-आफु बीच वेस्टइन्डिजले तिन दिवसीय अभ्यास खेल सुरु गरेको हो।

अभ्यास खेल अन्तर्गत कार्लोस ब्राथवेटले नेतृत्व गरेको टिम ब्राथवेट-११ ले जेसन होल्डर नेत्रित्वको टिम होल्डर-११ बिरुद्ध पहिलो इनिंगमा ब्याटिंग गर्दै ७९ ओभरमा २७५ रन बनाउदै सबै विकेट गुमाएको छ।

ब्राथवेटले १६२ बलमा ९ चौका मद्दतले ८४ तथा शाइ होपले १२७ बलमा ११ चौका मद्दतले ८३ रन बनाए। दुवैले तेश्रो विकेटको लागि १०३ रनको साझेदारी गरे। अल्जारी जोसेफले १६ ओभरमा ६० रन खर्चेर ४ तथा शानोन ग्याब्रियलले १३ ओभरमा ३२ रन खर्चेर ३ विकेट लिए। रोच, म्याकस्विन र कर्नवालले १/१ विकेट लिए। एक समय २७३/५ को स्थितिमा रहेको ब्राथवेट-११ ले अन्तिम ५ विकेट मात्र २ रन जोड्दा गुमाएको थियो।

खेलमा विश्व नम्बर-१ टेस्ट अल-राउण्डर जेस होल्डरले भने सामान्य खुट्टाको चोटको कारण बलिंग गरेनन्।

वेस्टइन्डिज र इंग्ल्यान्ड बीच तिन टेस्ट म्याचको सिरिज ८ जुलाई देखि सुरु हुँदैछ। जुनमा खेलिने तय भएको सिरिज कोरोना महामारीको कारण सरेको थियो। दुइ देश बीचको सिरिज दर्शक विना कोरोना बिरुद्ध बायो-सेक्योर वातावरणमा ओल्ड ट्राफर्डमा सुरु हुनेछ।

पहिलो अभ्यास खेल पछि वेस्टइनिद्जले पुनः ओल्ड ट्राफोर्डमा ४ दिवसीय अभ्यास खेल खेल्ने तालिका रहेको छ। इंग्ल्यान्डले पनि १ जुलाई देखि आफु-आफु बीच तिन दिवसीय अभ्यास खेल खेल्नेछ।

अस्ट्रेलिया र न्युजिल्यान्ड बीच सिड्नीमा मार्च १३ मा खेलिएको दर्शक विहिन अन्तिम एकदिवसीय पछि अन्तर्राष्ट्रिय क्रिकेट हुनसकेको छैन।

हेर्नुस वेस्टइन्डिजको वार्मअप पहिलो दिनको खेल फोटोहरुमा 

२०७७ असार १०, बुधबार मा प्रकाशित

Loading...

Leave a Comment