युवा तथा खेलकुद मन्त्रालयले राष्ट्रिय खेलकुद परिषद (राखेप) सदस्य सचिब छनोटका लागि गठन गरेको छनोट समितीले आज मन्त्रालयमा तिन जनाको नाम सिफरिस गरेको छ ।
छनोट समितीले दिएको नाम अनुसार निवर्तमान सदस्य सचिब रमेश कुमार सिलवाल, लिल बहादुर थापा मगर र महिलामा अन्जु श्रेष्ठ रहेका छन । सदस्य सचिब बन्नका लागि २७ जनाको आवेदन परेकोमा समितीले तिनजनाको नामलाई अन्तिमरुप दिएको हो ।
युवा तथा खेलकुद मन्त्री जगत बहादुर विश्वकर्मा (सुनार)ले सिफरिस भएका तिन जनाको नाम सम्भवत भोली विहिवार बस्ने मन्त्रीपरिषदको बैठकमा लैजानेछन । मन्त्री परिषदको वैठकले एकजनाको नाम टुङ्गो लगाउने छ ।
सिफारिस भएका मध्ये निवर्तमान सदस्य सचिब सिलवाल प्रधानमन्त्री केपी ओलीका निकट मानिन्छन भने बागलुङका लिल बहादुर नेकपाको केन्द्रिय सदस्य तथा नेपाल भलिवल संघका पुर्व उपाध्यक्ष समेत हुन । छनोटमा परेकी महिला अन्जु श्रेष्ठ भलिवलकी पुर्व राष्ट्रिय खेलाडी र कप्तान रहिसकेकी छन ।
मन्त्रालयका सचिब राम प्रसाद थपलियाको संयोजकत्वमा गठित समितीमा रिम बहादुर रानाभाट र इन्दिरा निरौला रहेका थिए ।