म्यानचेस्टरको इमिरेट्स ओल्ड ट्रयाफोर्ड मैदानमा जारि तेश्रो तथा निर्णायक टेस्टमा घरेलु टोलि इंग्ल्यान्ड वेस्टइन्डिज बिरुद्ध हावी बनेको छ।

सिरिज अन्तर्गत वेस्टइन्डिजले पहिलो टेस्ट ४ विकेटले जितेपछि दोश्रो टेस्ट ११३ रनले जितेको इंग्ल्यान्ड सिरिज जित नजिक पुगेको हो।

इंग्ल्यान्डले पहिलो इनिंगमा ३६९ रन बनाएपछि ब्याटिंग गरेको वेस्टइन्डिजले तेश्रो दिन सम्पूर्ण विकेट गुमाउदै मात्र १९७ रन मात्र बनाउन सक्यो। फलोअन जोगाएता पनि इंग्ल्यान्डले पहिलो इनिंगमा १७२ रनको अग्रता हाँसिल गर्यो।

तेश्रो दिन चिया सत्रसम्मको खेल सकिदा दोश्रो इनिंग सुरु गरिसकेको इंग्ल्यान्डले विकेट नगुमाई ८६ रन बनाईसकेको छ र दोश्रो इनिंगमा अग्रता २५८ रनको लिईसकेको छ। ओपनर रोरी बर्न्स ३८ तथा डोमिनिक सिबले ४० रन बनाएर ब्याटिंग गरिरहेका छन्।

वेस्टइन्डिजको कमजोर ब्याटिंग 

इंग्ल्यान्डले पहिलो इनिंगमा ३६९ रन बनाएपछि ब्याटिंग गरेको वेस्टइन्डिजले इंग्ल्यान्डको अनुशासित बलिंग सामु घुंडा टेक्यो। उसको कुनै पनि ब्याट्सम्यानले अर्धशतक बनाउन सकेनन्।

पहिलो ६ विकेट ११० रनमै गुमाएको अवस्थामा सातौँ नम्बरमा ब्याटिंग गरेका कप्तान जेसन होल्डरले ४६ तथा आठौँ नम्बरका शेन दोरिचले ३७ रन बनाउदै लाज ढाके।

Windies are all out for 1️⃣9️⃣7️⃣

Stuart Broad finishes with figures of 6️⃣/3️⃣1️⃣ ??? #ENGvWI pic.twitter.com/tUROaF69NN

— ICC (@ICC) July 26, 2020

इंग्ल्यान्डको बलिंगमा स्टुवार्ट ब्रडले सर्वाधिक ६ विकेट लिए जुन क्रममा १४ ओभरमा ४ मेडन ओभर गर्दै मात्र ३१ रन खर्चिए। जेम्स एण्डरसले २ तथा जोफ्रा अर्चर र क्रिस वोक्सले समान १/१ विकेट लिए।

इंग्ल्यान्डको पहिलो इनिंग 

टेस्टमा टस हारेर ब्याटिंग गरेको इंग्ल्यान्डले ३६९ रन बनाएको थियो। उसको लागि ओली पोपले सर्वाधिक ९१, जोस बटलरले ६७, स्टुवार्ट ब्रडले ६२ तथा रोरी बर्न्सले ५७ रन बनाए। वेस्टइन्डिज बलर केमार रोचले ४ विकेट तथा शानोन ग्याब्रीएल र रोस्टन चेजले २/२ विकेट लिए।