न्युजिल्यान्डका क्रिकेट प्रमुख ग्रेग बार्कले अन्तर्राष्ट्रिय क्रिकेट परिषद ( आईसीसी ) को नयाँ अध्यक्ष निर्वाचित भएका छन्।
बार्कले सन् २०१२ देखि न्युजिल्यान्ड क्रिकेटको निर्देशक रहँदै आएका छन् जो पेसाले वकिल पनि हुन्। उनि आईसीसी बोर्डमा न्युजिल्यान्ड क्रिकेटको प्रतिनिधि थिए र अब त्यो जिम्मेवारी छोडेर आईसीसीको अध्यक्ष पद सम्हाल्नेछन्। पूर्व अध्यक्ष शशांक मनोहरको कार्यकाल यसै वर्ष जुलाईमा समाप्त भएको थियो जसपछि इमरान ख्वाजालाई अन्तरिम अध्यक्ष बनाइएको थियो।
आईसीसीको अध्यक्ष चुनिएपछि बार्कलेले बताए – “आईसीसीको अध्यक्ष चुनिनु मेरो लागि गर्वको कुरा हो। म आफ्नो साथि आईसीसी डाइरेक्टरहरुलाई मलाई समर्थन गर्नु भएकोमा धन्यवाद भन्न चाहन्छु। मलाई आशा छ कि हामि एक साथ काम गरेर खेलको नेतृत्व गर्नेछौ र विश्वभर फैलिएको महामारीबाट निस्केर मजबुत स्थितिमा पुगेर अघि बढ्ने छौँ।”
बार्कले आईसीसी विश्वकप २०१५ आयोजनाको अध्यक्ष रहेका थिए। उनिसंग न्युजिल्यान्ड र अस्ट्रेलियाको बिभिन्न कम्पनिहरुमा कम्पनि निर्देशकको जिम्मेवारी निभाइसकेको अनुभव रहेको छ।
आईसीसी अध्यक्षको रेसमा बार्कलेसंग अन्तरिम अध्यक्ष इमरान ख्वाजा पनि रहेका थिए।
यो पनि पढ्नुस :
पारस आईसीसीको ‘दशककै उत्कृस्ट एसोसिएट खेलाडी’ अवार्डको मनोनयनमा