अष्ट्रेलिया र भारतबीच ३ खेलको एकदिवसीय अन्तराष्ट्रिय शृंखला अन्तर्गत क्यानवेरा स्थित मानुका ओवल क्रिकेट स्टेडियममा तेस्रो तथा अन्तिम खेल जारि छ। यसअघि पहिलो एकदिवसीयमा ६६ तथा दोस्रोमा ५१ रनको सहज जित निकाल्दै घरेलु टोलि अष्ट्रेलियाले सिरिज आफ्नो नाम गरिसकेको छ।
खेलदौरान सिन एबोटले गरेको १३ औं ओभरको पहिलो बलमा १ रन लिंदै बिराट कोहली एकदिवसीय अन्तर्राष्ट्रिय क्रिकेटमा सबैभन्दा छिटो १२ हजार रन बनाउने खेलाडी बनेका छन्।
खेल अगाडी कोहलीलाई १२ हजार रन पुरा गर्न मात्र २३ रनको आवश्यकता थियो। यसअघि ३०० औं इनिंगमा १२ हजार एकदिवसीय रन बनाएका सचिन तेन्दुलकरको नाम सो कीर्तिमान रहेको थियो जुन बिराट कोहलीले मात्र २४२ औं इनिंगमा १२ हजार रन बनाएर उनको कीर्तिमान तोडेका हुन्। उनले एकदिवसीय खेलमा ६० नजिकको औसतमा ५९ अर्धशतक र ४३ शतक प्रहार गर्दै पछिल्लो समय ५० ओभर खेलमा आफ्नो दबदबा कायम राखेका छन्।
1️⃣2️⃣,0️⃣0️⃣0️⃣ ODI runs for Virat Kohli ?
He has become the fastest batsman to reach the milestone, in just 242 innings ? #AUSvIND pic.twitter.com/H0XlHjkdNK
— ICC (@ICC) December 2, 2020
एकदिवसीय अन्तर्राष्ट्रियमा छिटो १२ हजार रन बनाउने खेलाडी
बिराट कोहली – २५१ म्याच , सचिन तेन्दुलकर – ३०९ म्याच , रिक्की पोंटिंग – ३२३ म्याच , कुमार सांगाकारा – ३५९ म्याच
सनथ जयसूर्या – ३९० म्याच
यसअघि कोहलीले पहिलो एकदिवसीय खेलमा २१ तथा दोस्रोमा ८९ रन बनाएका थिए। यसअघि खेलमा भारतले टस जितेर ब्याटिंग रोजेको छ। अघिल्लो दुवै खेलमा अस्ट्रेलियाले टस जितेर ब्याटिंग रोजेको थियो। भारतले आफ्नो अन्तिम-११ मा शुबमन गिल, शार्दुल ठाकुर, कुलदिप यादब र टि नटराजनलाई मौका दिएको छ। मायाँक अग्रवाल, मोहम्मद शामी, युजभेन्द्र चाहल र नभदिप सैनीलाई बाहिर राखिएको छ। डेब्यु गर्न लागेका टि नटराजन भारतले हालसम्म खेलेको ९९० एकदिवसीय अन्तर्राष्ट्रियमा मौका पाउने मात्र ११ औं बायाँ हाते पेस बलर हुन्।
अस्ट्रेलियाले पनि टिममा तिन वटा परिवर्तन गरेको छ। क्यामरन ग्रिन, सीन एबोट र एस्टन एगरलाई मौका दिईएको छ भने मिचेल स्टार्क, डेभिड वार्नर र प्याट कमिन्स बाहिर छन्। वार्नर दोश्रो खेलको दौरान घाइते भएपछि आगामी टि-२० सिरिजबाट समेत बाहिर भएका छन्। आज वार्नर नहुँदा लाबूसेनले ओपनिंग ब्याटिंग गर्ने फिंचले बताएका छन्।
यो पनि पढ्नुस :-
मलान चम्किदा इंग्ल्यान्डको सिरिज क्लिन स्विप, बन्यो साझेदारीको नयाँ विश्वकीर्तिमान
एलपीएल : परेराको अर्को आक्रामक इनिंग, जाफ्नाको विजय यात्रा कायमै