श्रीलंकाको दक्षिण अफ्रीका भ्रमण अन्तर्गत दुई वटा टेस्टको सिरिज सेन्चुरियनमा सुरु भएको छ।
सुपरसपोर्ट पार्कमा टस जितेर ब्याटिंग रोजेको भ्रमण टोलिले पहिलो दिन समाप्तिमा ८५ ओभर ब्याटिंग गर्दै ६ विकेट गुमाएर ३४० रन बनाएको छ।
सुरुवात खराब रहेता पनि दिनेश चण्डीमाल र धनन्जय डी सिल्भाले उत्कृस्ट साझेदारी गर्दै टिमलाई पार लगाएका थिए।
ओपनर डिमुथ करुनारत्ने २२ रन, कुशल मेन्डीस १२ रन तथा कुशल परेरा १६ रन बनाएर आउट हुँदा श्रीलंका ५४/३ को नाजुक अवस्थामा थियो। त्यसपछि चण्डीमाल र डी सिल्भाले चौथो विकेटको लागि शतकीय साझेदारी गरे।
Dinesh Chandimal reaches his half-century!
He’s helped Sri Lanka past the 200-mark 🇱🇰 #SAvSL SCORECARD ▶️ https://t.co/5jzy9lhScF pic.twitter.com/5O2lqNkz02
— ICC (@ICC) December 26, 2020
४६ औं ओभरमा डी सिल्भा ढाडको दुखाईका कारण रिटायर्ड आउट हुन पुगे। त्यस अघि डी सिल्भले १०६ बलमा ११ चौका र १ छक्का मद्दतले ७९ रन बनाएका थिए। त्यसपछि चण्डीमाललाई निरोशन डिकवेलाले राम्रो साथ दिए दुवैले थप ९९ रन जोडे।
१६१ बलमा ११ चौका मद्दतले ८५ रन बनाएका चण्डीमाललाई वियान मुल्डरले फाफ डु प्लेसीबाट क्याच आउट गराउदै साझेदारी तोडे। अन्तिम सेसनमा ४९ रन बनाएका डिकवेलालाई मुल्डरले एलबिडब्लु आउट गरे। त्यसपछि १८ रन बनाएर वानिन्दु हसरंगालाई लुठो सिपाम्लाले बोल्ड गर्दै पेभेलियन फर्काए।
दिनको समाप्ति हुँदा क्रिजमा दासुन शनाका २५ तथा कासुन रजिथा ७ रन बनाएर अविजित रहेका छन्।
दक्षिण अफ्रीकाको लागि मात्र दोश्रो टेस्ट खेलीरहेका वियान मुल्डरले सर्वाधिक ३ विकेट ( १८-३-६८-३ ) लिएका छन्। यस्तै लुंगी एनगीदी ( १६-२-५४-१ ) , लुथो सिपाम्ला ( १४-१-६८-१ ) र एनरिक् नोर्किया ( १८-३-६०-१ ) ले समान १ विकेट लिएका छन्।
यो पनि पढ्नुस :-
बिग ब्यास : ह्युजको कप्तानी पारि, सनसनीपूर्ण खेलमा सिक्सरद्वारा स्टार्स १ विकेटले पराजित