प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा खेलमा पराजित हुँदै सेमीफाइनल रेसबाट बाहिर भैसकेको थियो। प्रदेश-२ पनि लगातार तेश्रो हार पछि प्रतियोगिताबाट बाहिर भएको छ।

टियु मैदानमा प्रदेश-२ ले दिएको १९६ रनको लक्ष्य सुदूरपश्चिमले ७ विकेट गुमाएर ३३ ओभरमा पुरा गर्यो।

सुदूरपश्चिमको लागि संजु दमाईले सर्वाधिक ५७ रन बनाए जुन क्रम मा ३५ बलमा ८ चौका र २ छक्का प्रहार गरे। यस्तै खडक बोहराले ४३ रन, गजेन्द्र बोहराले ३९ रन तथा अरुण ऐरीले १९ रन बनाए।

लक्ष्य पछ्याउने क्रममा सुदूरपश्चिमका ओपनर गजेन्द्र बोहरा र खडक बोहराले ७८ रनको साझेदारी गरेका थिए। १५ औं ओभरमा गजेन्द्र आउट भए पछि दोश्रो विकेटको लागि खडकले संजु दमाईसंग ७८ रनको साझेदारी गरे। खडक र संजु आउट भएपछि सुदूरपश्चिमले लगातार विकेट गुमायो। जितको लागि ४ रन आवस्यक हुँदा सुदूरपश्चिमले थप ४ विकेट गुमायो।

संजु दमाई

प्रदेश-२ को बलिंगमा कुमार थापाले सर्वाधिक ३ विकेट लिए। हरिशंकर शाहले २ तथा, बिबेक यादब र रभी शाहले १/१ विकेट लिए।

यस अघि टस हारेर ब्याटिंग गरेको प्रदेश-२ ले ४२ ओभरमा सम्पूर्ण विकेट गुमाएर १९५ रन बनाएको थियो।

प्रदेश-२ को लागि ओपनर हरिशंकर शाहले सर्वाधिक ६० रन बनाए जुन क्रममा ७३ बलमा ९ चौका प्रहार गरे। यस्तै बिबेक यादवले ४१, महबुब आलमले २३ रन योगदान दिए।

सुदूरपश्चिम प्रदेशको बलिंगमा शेर मल्ल र नरेन्द्र साउदले समान ३ विकेट लिए। अरुण ऐरीले २ विकेट लिए भने भोजराज भट्ट र हेमन्त धामीले समान १ विकेट हात पारे।

स्कोरकार्ड, अंकतालिका 

२०७७ माघ ११, आईतवार मा प्रकाशित

Loading...

Leave a Comment