टि-१० लिग : टिम अबुधाबीले टस जितेर फिल्डिंग गर्ने, करन खेल्दा कुशल बाहिर

युएईमा जारि चौथो संस्करणको अबुधाबी टि-१० लिग अन्तर्गत चौथो दिनको पहिलो खेलमा नेपाली खेलाडी करन केसी आवद्ध पुने डेभिल्स र कुशल मल्ल आवद्ध टिम अबुधाबी प्रतिस्पर्धा गर्दैछन्।

खेलमा टिम अबुधाबीले टस जितेर फिल्डिंग रोज्दै पुनेलाई ब्याटिंगको निम्तो दिएको छ। खेल नेपाली समय ५:४५ बजे बेलुका सुरु हुनेछ।

टिम अबुधाबीले भने अर्का नेपाली खेलाडी कुशल मल्ललाई लगातार तेश्रो खेलमा मैदान बाहिर राखेको छ। पुनेले लगातार तेश्रो खेलमा नेपाली फास्ट बलर करन केसीलाई अन्तिम-११ मा समाबेश गरेको छ।

टिम अबुधाबीको अन्तिम-११ : Luke Wright(c), Chris Gayle, Paul Stirling, Ben Duckett(w), Joe Clarke, Najibullah Zadran, Rohan Mustafa, Jamie Overton, Obed McCoy, Usman Shinwari, Tom Helm

पुने डेभिल्सको अन्तिम-११ : Tom Kohler-Cadmore, Kennar Lewis, Chadwick Walton(w), Alex Davies, Devon Thomas, Nasir Hossain(c), Karan KC, Hardus Viljoen, Mohammad Amir, Munis Ansari, Ahmed Raza

लिग अन्तर्गत दुवै टिमको पहिलो चरणमा यो अन्तिम खेल हो। पुनेले २ खेलमा १ जित र १ हार बेहोर्दा स्टार खेलाडीहरुले भरिएको टिम टिम अबुधाबी भने दुवै खेलमा पराजित भएको छ। सुपर लिग चरण सुरु हुनु अघि टिम अबुधाबी पहिलो जित आत्मसात गर्न चाहन्छ भने पुने जितको लय कायम राख्न चाहन्छ।

करन केसी पुनेले खेलेको अघिल्लो दुवै खेलमा पनि अन्तिम-११ मा स्थान बनाउन सफल भएका थिए। त्यस क्रममा करनले पहिलो खेलमा डेक्कन ग्ल्याडीएटर्ससंग १ ओभर बलिंग गर्दा १७ रन खर्चेका थिए भने दोश्रो खेलमा कलन्दर्स बिरुद्ध १ ओभर बलिंग गर्दा मात्र ९ रन खर्चेका थिए। कुशल मल्लले भने टिमले खेलेको अघिल्लो दुवै खेलमा पनि मैदान बाहिर बस्नुपरेको थियो। टिममा स्टार ब्याट्सम्यानहरु रहेकाले कुशलले अन्तिम-११ मा मौका पाउन सकेका छैनन्।

टि-१० लिग : आज कुशल र करन आवद्ध टिम आमनेसामने हुँदै

२०७७ माघ १८, आईतवार मा प्रकाशित

Loading...

Leave a Comment