टि-१० लिग : टस हारेर मराठा ब्याटिंग गर्दै, सोमपाल अन्तिम-११ मा

युएईमा जारि अबुधाबी टि-१० लिग अन्तर्गत सुपर लिग चरणको दोश्रो दिनको पहिलो खेलमा कलन्दर्स र मराठा अरबियन्स प्रतिस्पर्धा गर्दैछन्।

शेख जायद स्टेडीयम अबुधाबीमा नेपाली समय बेलुका ५:४५ बजे सुरु हुने खेलमा कलन्दर्सले टस जितेर मराठालाई ब्याटिंगको निम्तो दिएको छ। खेलमा मराठाले लगातार चौथो खेलमा पनि नपाली फास्ट बलर सोमपाल कामिलाई अन्तिम-११ मा मौका दिएको छ।

मराठा अरबियन्सको अन्तिम ११ : अब्दुल शाकुर, इशान मलहोत्रा, लौरी इभान्स, मोहम्मद हफिज, शोयब मलिक, जाभेद अहमदी, मोसद्देक हुसेन ( कप्तान ) , केभीन कोतथिगोडा, मुक्तर अलि, यामिन अहमदजाई, सोमपाल कमि

कलन्दर्सको अन्तिम ११ : टम बान्टन, शर्जिल खान, सोहेल अख्तर ( कप्तान ) , असिफ अलि, बेन डंक, शाहिद अफ्रिदी अज्मतुल्लाह ओमर्जाई, क्रिस जोर्डन, सोहेल तन्भिर, दन्यल एहमद, सुल्तान एहमद

लिग अन्तर्गत समूह चरणमा मराठाले ३ खेल खेल्दा १ खेलमा जित र २ खेलमा हार बेहोरेको थियो। कलन्दर्स समुह चरणमा तिन वटै खेलमा विजयी भएको थियो।

लिगमा यस अघि तिन वटै खेलमा अन्तिम-११ मा मौका पाएका सोमपाल कामिले पहिलो खेलमा नर्दर्न वारियर्स बिरुद्ध २ ओभरमा २८ रन खर्चेर विकेटविहिन रहेका थिए। यस्तै दोश्रो खेलमा दिल्ली बुल्स बिरुद्ध पनि विकेटविहिन रहेका सोमपालले १ ओभरमा १७ रन खर्चेका थिए। तेश्रो खेलमा बांग्ला टाइगर्स बिरुद्ध १ ओभरमा उनले १२ रन खर्चेर विकेटविहिन रहेका थिए।

लिग अन्तर्गत आजनै अर्का नेपाली खेलाडी करन केसी आवद्ध टिम पुने डेभिल्सले दिल्ली बुल्ससंग प्रतिस्पर्धा गर्नेछ। खेल नेपाली समय ८ बजे राति सुरु हुनेछ।

२०७७ माघ २०, मंगलवार मा प्रकाशित

Loading...

Leave a Comment