प्रधानमन्त्री कप व्याडमिन्टनः विश्व वरियताका प्रिन्स दाहाललाई हराउँदै धामीले जिते उपाधि

चितवन, फागुन २–

जुनियर विश्व वरियतामा तेस्रो नम्बरका खेलाडी प्रिन्स दाहाल चितवनमा भएको प्रधानमन्त्री कप राष्ट्रिय खुल्ला ब्याडमिन्टन प्रतियोगता २०७७ को फाइनलमा पराजित भएका छन् । मेन्स सिङ्गलतर्फको उपाधि भिडन्तमा एपिएफबाट खेलेका प्रिन्स दाहाल एपिएफकै दिपेश धामीसंग पराजित भएका हुन् ।

दाहाललाई शनिबार राति भएको फाइनल खेलमा धामीमले २१–१९ र २२–२० को सोझो सेटमा हराउँदै उपाधि उचाल्न सफल भए । पहिलो सेट सहजै गुमाएका प्रिन्सले दोस्रो सेटमा कडा टक्कर दिएका थिए । २०–१९ को अग्रता लिएपनि त्यसपश्चात लगातार धामी हावी भएपछि २२–२० को अवस्थामा दोस्रो सेट गुमाउन पुग्यो । जितसंगै धामीले १ लाख १५ हजार रुपैयाँ पुरस्कार, ट्रफी प्राप्त गरे भने उपविजेतामै चित्त बुझाएको दाहालले ५० हजार रुपैयाँ र ट्रफी प्राप्त गरे । सेमीफाइनलमा प्रिन्सले भोजपुरका विकास श्रेष्ठलाई पराजित गर्दै फाइनल यात्रा तय गरेका थिए भने धामीले त्रिभुव आर्मीका नविन श्रेष्ठलाई पराजित गर्दै प्रिन्ससंगको भिडन्त पक्का गरेका थिए ।

यस विधातर्फ सेमिफाइनलमा पराजित भएका त्रिभुवन आर्मी क्लवका नविन श्रेष्ठ र भोजपुरका विकास श्रेष्ठले तेस्रो स्थान हासिल गरे । उनीहरुले समान नगद १५ हजार, ट्रफी र मेडल प्राप्त गरे ।

यस्तै प्रधानमन्त्री कप राष्ट्रिय खुल्ला ब्याडमिन्टन प्रतियोगता २०७७ अन्तरगत वुमन्स सिङ्गलतर्फको उपाधि जेसिका गुरुङले जितेकी छन् । भरतपुर कवर्डहलमा शनिबार साझ भएको फाइनल खेलमा त्रिभुवन आर्मी क्लवकी रसिला महर्जनलाई पराजित गर्दै एपिएफकी जेसिका गुरुङले उपाधि जितेकी हुन् । पहिलो सेट २१–१८ ले जितेकी जेसिका दोस्रो सेटमा १७–२१ ले गुमाइन् । अन्तिम सेटमा पुनरागमन गर्दै जेसिकाले २१–१७ ले नै रसिलालाई हराइन् र उपाधि जितिन् । उनले नगद एक लाख १५ हजार रुपैयाँ सहित ट्रफी, मेडल र प्रमाणपत्र प्राप्त गरिन् । दोस्रो स्थानमा चित्त बुझाएकी रसिलाले ५५ हजार नगद, ट्रफी प्राप्त गरिन् ।

यस विधातर्फ त्रिभुवन आर्मी क्लवकी अनुमाया राइ र अमिता गिरीले तेस्रो स्थान प्राप्त गरिन् । सेमीफाइनलमा पराजित भएपछि उनीहरु तेस्रो स्थानमा चित्त बुझाउन बाध्य भएका हुन् । उनीहरुले १५/१५ हजार रुपैयाँ प्राप्त गरे ।

यसैगरि यस प्रतियोगितामा मेन्स डबलतर्फको विधामा त्रिभुवन आर्मी क्लवका नविन श्रेष्ठ र रत्नजित तामाङको जोडी प्रथम भएको छ ।

उनीहरुले ६० हजार रुपैयाँ नगद, ट्रफी र मेडल प्राप्त गरे । एपिएफका दिपेश धामी र गौतम कठायतको जोडी द्धितीय, साइनोका राम बानियाँ र सुजन थापाको जोडी र र त्रिभुवन आर्मीका प्रफुल महर्जन र रुकेश महर्जनको जोडीले तृतीय स्थान हासिल गरेको छ । द्धितीय हुने जोडीले ३० हजार र तृतीय हुने जोडीले समान १०/१० हजार रुपैयाँ प्राप्त गरे ।

त्यसैगरी मेन्स डबल २० र्‍याङ्किङ तर्फ त्रिभुवन आर्मी क्लवका पविन लिनथेप र सुरज महर्जनको जोडी प्रथम भएको छ । बुटवल व्याडमिन्टन संघका विश्व नेपाल र गणेश रायमाझीको टोलीलाई हराउँदै आर्मीको टोलीले उपाधि जितेको हो । विजेता टिमले २५ हजार नगद, ट्रफी, मेडल प्राप्त ग¥यो भने उपविजेतामा चित्त बुझाएको बुटवलको टोलीले २५ हजार नगद, ट्रफी र मेडल प्राप्त ग¥यो । सेमीफाइनलमा पराजित दुई टिमहरु साइनोका अभिशेक बोस, सुजन थापा र कास्कीको भुगोल गुरुङ, विशाल खड्काको जोडी तेस्रो स्थानमा चित्त बुझाउँदै समान ७ हजार रुपैयाँ, ट्रफी र मेडल प्राप्त ग¥यो ।

यस्तै ब्याइज अण्डर १७ तर्फ त्रिभुवन आर्मी क्लवका आयुस्मान नगरी प्रथम भए । उनले नगद ३० हजार, ट्रफी र मेडल प्राप्त गरे । सुर्खेतका नरेन्द्र बम द्धितीय, त्रिभुवन आर्मी क्लवका भोजबहादुर गुरुङ र हिमाल चन्द तृतीय स्थान हासिल गरे । उनीहरुले क्रमशः १५ हजार, ५ हजार र ट्रफी प्राप्त गरे ।

त्यस्तै गल्र्स अण्डर १७ तर्फ त्रिभुवन आर्मी क्लवकी रसिला महर्जन प्रथम भइन् । उनले नगद ३० हजार, ट्रफी, मेडल प्राप्त गरिन् भने कैलालीकी प्राथना देउवा द्धितीय भइन् साथै नगद १५ हजार रुपैयाँ, ट्रफी र मेडल प्राप्त गरिन् । पाल्पाकी दिया शाक्य र मोरङकी रोज पाण्डे तृतीय भए । उनीहरुले समान ५ हजार रुपैयाँ, मेडल र ट्रफी प्राप्त गरे ।

यस्तै मेन्स डबलतर्फ ४५ वर्षमाथिको उमेर समूहमा पूर्णहरि होना र सञ्जय कपालीको जोडी विजयी भएको छ । यी जोडीले नगद ३० हजार, मेडल र ट्रफी प्राप्त गरे । वीरेन्द्र सिंह र अनिल लाखेको जोडी द्धितीय भयो भने बसन्तमान बज्रचार्य र महेशमान बज्रचार्यको जोडी, श्याम पराजुली र नविनबाबु श्रेष्ठको जोडी तेस्रो भएको छ । उनीहरुले क्रमशः १५ हजार, समान ५/५ हजार रुपैयाँ, ट्रफी र मेडल प्राप्त गरे ।

यसैगरि मेन्स डबलतर्फ ५५ वर्षमाथिको उमेर समूहतर्फ चितवनका बुद्धि चौधरी र पुष्प श्रेष्ठको जोडी प्रथम भएको छ । यी जोडीले नगद ३० हजार, मेडल र ट्रफी प्राप्त गरे । राजेन्द्र शाक्य र विष्णुलाल श्रेष्ठको जोडी द्धितीय भयो भने चितवनको कालिदाश पाण्डे र राजु थापाको जोडी, चितवनकै राजु कुमाल र उपेन्द्र सिंह पन्तको जोडी तृतीय स्थान हासिल गरेको छ । उनीहरुले क्रमशः १५ हजार, समान ५/५ हजार रुपैयाँ, ट्रफी र मेडल प्राप्त गरे ।

चितवन जिल्ला ब्याडमिन्टन संघको आयोजनामा भएको यस प्रतियोगिता चार दिनसम्म चल्यो ।

( साभार – नारायणीअनलाइन )

२०७७ फाल्गुन २, आईतवार मा प्रकाशित

Loading...

Leave a Comment