भारतको चेन्नाईमा जारि आईपीएलको मिनी अक्सनमा न्युजिल्यान्डका फास्ट बलिंग अलराउण्डर कायल जेमीसन महँगो मूल्यमा बिक्रि भएका छन्।
जेमिसनलाई बिराट कोहली कप्तानीको रोयल च्यालेन्जर्स बैंगलोरले १५ करोड भारतीय रुपैयाँ ( २४ करोड नेपाली रुपैयाँ ) मा टिममा भित्र्याएको हो। जारि अक्सनमा क्रिस मोरिस ( १६.२५ करोड भारु ) पछि कुनै पनि क्रिकेटरले पाएको यो दोश्रो धेरै रकम हो।
जेमिसनले अक्सनमा महँगो मूल्य पाउने अनुमान पहिले देखि गरिएको थियो। उनलाई लिन बैंगलोर पछि पन्जाब किंग्स, र दिल्ली क्यापिटलले बोलि लगाएको थियो।
७५ लाख बेस प्राइस राखेका जेमिसनलाई बैंगलोरले सुरुवाती बोलि लगाएपछि दिल्ली र बैंगलोर बीच प्रतिस्पर्धा भएको थिओ। दिल्लीले ७.२५ करोड बोलि लगाएपछि बैंगलोरले ७.५० करोड बोलि लगाएको थियो। त्यति बेला पन्जाबले ८.२५ करोड बोलि लगाएको थियो जसपछि दिल्लीले बोलि लागौं छोड्यो। त्यसपछि मूल्य बढ्दै जाँदा पन्जाबले १४.७५ करोड बोलि लगाएको थियो जसपछि बैंगलोरले १५ करोड अन्तिम बोलि लगाउदै जेमीसनलाई लिएको थियो।
Base Price – INR 75 Lac
Sold for – INR 15 CrKiwi 🇳🇿 pacer Kyle Jamieson heads to @RCBTweets 😎🤙🏻@Vivo_India #IPLAuction pic.twitter.com/eReICVL0Bu
— IndianPremierLeague (@IPL) February 18, 2021
न्युजिल्यान्डको लागि मात्र ४ वटा टि-२० अन्तर्राष्ट्रिय खेलेका ६ फिट ८ इन्च अग्ला जेमिसनले गत वर्ष नोभेम्बरमा वेस्टइन्डिज बिरुद्ध डेब्यु गरेका थिए। ४ खेलमा उनले ३ विकेट लिएका छन्। ३८ प्रथम श्रेणी टि-२० खेलेका उनले ५४ विकेट लिएका छन्।
गत वर्ष फेब्रुअरीमा भारत बिरुद्ध एकदिवसीय अन्तर्राष्ट्रिय डेब्यु गरेका जेमिसनले डेब्युमा अविजित २५ रन बनाउनुको साथै २ विकेट पनि लिएका थिए। २६ वर्षीय क्रिकेटरले ६ टेस्टमा ३६ विकेट लिईसकेका छन्।
चेन्नाई टिम :
रिटेन भएका खेलाडीहरु : महेन्द्र सिंह धोनी, फाफ डु प्लेसी, रुतुराज गायकवाड, सुरेश रैना, अम्बाती रायडु, एन जगदिशन, रोबिन उथप्पा, रभिन्द्र जडेजा, स्याम करन, ड्वेन ब्राभो, कर्ण शर्मा, साइ किशोर, मिचेल स्यान्टनर, इमरान ताहिर, दिपक चाहर, शार्दुल ठाकुर, लुंगी एनगीडी, जोश हेजलवुड, केएम आसिफ
मिनी अक्सनबाट भित्रिएका क्रिकेटरहरु : मोइन अलि ( ७ करोड भारु ) , क्रिश्नप्पा गोथम ( ९.२५ करोड भारु ) , चेतेश्वर पुजारा ( ५० लाख भारु )
सम्बन्धित :-