म्यान्चेस्टर सिटी उपाधी तिर लम्किदै

ईंग्लिश प्रिमियर लिग फुटबलमा शीर्ष स्थानको म्यानचेस्टर सिटीले वेष्टह्याम युनाइटेडलाई पराजित गर्दै लिग तालिका मा १३ अंकको अग्रता बनाएको छ ।

शनिबार भएको खेलमा सिटीले वेष्टहमलाई २-१ गोल अन्तरले पराजित गरेको हो । घरेलु मैदानमा सिटीलाई जित दिलाउन रुबेन डियास र जोन स्टोन्सले १/१ गोल गरे ।

खेलको ३०औं मिनेटमा डियासले गोल गर्दै सिटीलाई अग्रता दिलाएका थिए । तर, ४३ औं मिनेटमा वेष्टहमका मिचेल एन्टोनियोले गोल गर्दै खेल १-१ को बराबरी मा ल्याए । ६८ औं मिनेटमा स्टोन्सले गोल गर्दै सिटीलाई २-१ को जित दिलाए ।

यो जितपछि सिटीले सबैखाले प्रतियोगितामा लगातार २० औं जित हात पारेको छ । प्रिमियर लिगमा भने सिटीको यो लगातार १४ औं जित हो ।

जितपछि सिटीले दोस्रो स्थानको म्यानचेष्टर युनाइटेडमाथि १३ अंकको अग्रता बनाएको छ ।

लिग लिडर सिटीले २६ खेलबाट ६२ अंक जोडेको छ । दोस्रो स्थानको युनाइटेडको २५ खेलबाट ४९ अंक छ ।

२६ खेलबाट ४५ अंकसहित वेष्टहम चौथो स्थानमा छ ।

२०७७ फाल्गुन १६, आईतवार मा प्रकाशित

Loading...

Leave a Comment