थ्री नेसन कपः नेपाल र किर्गिस्तान बराबरीमा रोकियो

काठमाडौंमा जारी थ्री नेशन कप फुटबल प्रतियोगितामा नेपाल र किर्गिस्तानको (यू–२३) बीचको खेल बराबरीमा सकिएको छ ।

आज (बिहीबार) साँझ दशरथ रंगशालामा भएको खेलमा नेपाल र किर्गिस्तान गोलरहित बराबरीमा सकिएको हो । खेलमा नेपालले पाएको अवसर सदुपयोग गर्न नसक्दा खेल बराबरीमा रोकिएको हो । आजको खेलमा जित हासिल गरेको भए नेपाल एक खेल अगावै फाइनलमा प्रवेश गर्ने अवसर पाउथ्यो । खेल बराबरी भएपछि बंगलादेश भने नेपालसँग लिग चरणको खेल खेल्नुअघि नै फाइनलमा पुगेको छ । बंगलादेशले ३ अंक जोडेको छ भने नेपाल र किर्गिस्तानको समान १ अंक छ ।

अब लिग चरणमा नेपाल र बंगलादेशबीचको खेल बाँकी छ । बंगलादेशले पहिलो खेलमा किर्गिस्तानलाई १–० ले पराजित गरेको थियो । नेपाल र बंगलादेशबीचको खेल शनिबार हुनेछ ।

२०७७ चैत्र १३, शुक्रबार मा प्रकाशित

Loading...

Leave a Comment