रोमान्चक खेलमा पाकिस्तानलाई १ रनले पराजित गर्दै घरेलु टोलि वेस्टइन्डिजले पाकिस्तान बिरुद्ध दुई टेस्टको सिरिजमा १-० को अग्रता हाँसिल गरेको छ। जमैका स्थित सबिना पार्क मैदानमा सम्पन्न खेलमा पाकिस्तानले दिएको १६८ रनको लक्ष्य वेस्टइन्डिजले ९ विकेट क्षेतीमा ५६.५ ओभरमा भेटायो।
लक्ष्य पछ्याउने क्रममा शाहिन अफ्रिदीले ३ विकेट लिंदा वेस्टइन्डिजले पहिलो ३ विकेट १६ रनमा गुमाएको थियो। रोस्टन चेज र जर्माइन ब्ल्याकवुडले ६८ रनको साझेदारी गरे। २२ रन बनाएका चेजलाई फहीम अशरफले क्याच आउट गराउदै पाकिस्तानलाई खेलमा फर्काए। त्यसपछि पुनः पाकिस्तानले लगातार विकेट गुमाउन पुग्यो। ५५ रन बनाएका ब्ल्याकवुडलाई हसन अलिले क्याच आउट गराए। कायल मेयर्स र जेसन होल्डर लामो समय क्रिजमा जम्न सकेनन् फलस्वरुप वेस्टइन्डिज ११४/७ को अवस्थामा पुग्यो।
आठौं विकेटको लागि जोशुवा डी सिल्भा र केमार रोचले २८ रनको साझेदारी गरे। १३ रन बनाएका डी सिल्भालाई शाहिन अफ्रिदीले क्याच आउट गराए। त्यसपछि जोमेल वरीक्यान लामो समय क्रिजमा जम्न सकेनन् फलस्वरुप अन्तिम विकेट बाँकी रहंदा जित्न वेस्टइन्डिजलाई १७ रन आवस्यक रह्यो। रोचले एक किनार सम्हालीरहे र जेडन सेल्ससंग साझेदारी गर्दै टिमलाई जितसम्म पुर्याए। रोचले अविजित ३० रन बनाए जुन क्रममा ५२ बलमा १ चौका तथा सेल्सले १३ बलमा अविजित २ रन बनाए।
पाकिस्तानको बलिंगमा शाहिन अफ्रिदीले ४ ( १७-४-५०-४ ) , हसन अलिले ३ ( १६.५-५-३७-३ ) तथा फहीम अश्रफले २ ( ८-१-२९-२ ) विकेट लिए।
टेस्टको पहिलो इनिंग्समा पाकिस्तानले २१७ रन बनाएको थियो भने वेस्टइन्डिजले २५३ रन बनाएको थियो। दोश्रो इनिंग्समा पाकिस्तानले २०३ रन बनाएको थियो।
खेलको प्लेयर अफ द म्याच दायाँ हाते पेसर जेडन सिल्स चुनिए जसले पहिलो इनिंग्समा ३ र दोश्रो इनिंग्समा ५ गरि कुल ८ विकेट लिए।
सिरिज अन्तर्गत दोश्रो खेल अगस्ट २० तारिख देखि जमैकामा सुरु हुनेछ।