पाकिस्तान क्रिकेटलाई राहत, २४ वर्ष पछि अस्ट्रेलियाले पाकिस्तान भ्रमण गर्ने पक्का

सन् १९९८ पछि पहिलो पटक २४ वर्षमा अस्ट्रेलियाले आगामी वर्ष २०२२ मार्चमा पाकिस्तानको भ्रमण गर्ने भएको छ। पाकिस्तान क्रिकेट बोर्डले सोमबार यसको पुष्टी गरेको हो।

भ्रमण अन्तर्गत अस्ट्रेलिया र पाकिस्तान बीच तिन टेस्ट, तिन एकदिवसीय अन्तर्राष्ट्रिय र एउटा टि-२० अन्तर्राष्ट्रिय खेल्ने तालिका रहेको छ। मार्च ३ तारिखमा कराचीमा पहिलो टेस्टबाट सिरिजको सुरुवात हुनेछ जसपहि दोश्रो र तेश्रो टेस्ट रावलपिण्डी र लाहोरमा खेलिनेछ। एकदिवसीय र टि-२० सिरिज मार्च २९ देखि अप्रिल ५ तारिखमा लाहोरमा खेलिनेछ।

टि-२० विश्वकप अघि न्युजिल्यान्ड र इंग्ल्यान्डको क्रिकेट टिमको पाकिस्तानमा सुरक्षाको कारण देखाउदै भ्रमण रद्द गरेपछि अस्ट्रेलियाले भ्रमण गर्ने खबरले पाकिस्तानलाई ठूलो राहत दिएको छ।

तिन वटा टेस्टको सिरिज ‘आईसीसी वर्ल्ड टेस्ट च्याम्पियनसिप’ अन्तर्गत खेलिनेछ भने तिन वटा ‘एकदिवसीय अन्तर्राष्ट्रिय एकदिवसीय अन्तर्राष्ट्रिय सुपर लिग’ अन्तर्गत हुनेछ।

“अस्ट्रेलियालाई पाकिस्तानमा स्वागत गर्न पाउदा निकै खुसि छु।” पाकिस्तान क्रिकेट बोर्डका अध्यक्ष रमिज राजाले बताए। ” अस्ट्रेलियाले उत्कृस्ट टिम हो र आफ्नै घरमा २४ वर्ष पछि खेल्नु दर्शकहरुको लागि ठूलो अवसर हुनेछ।” उनले थपे।

“क्रिकेट अस्ट्रेलिया पाकिस्तान भ्रमण गर्न उत्साहित छ। पाकिस्तानीहरु क्रिकेट र आफ्नो राष्ट्रिय टिमलाई निकै माया गर्छन्।” क्रिकेट अस्ट्रेलियाका सीईओ निक हक्लेले बताएका छन्। “पाकिस्तान क्रिकेट बोर्डलाई भ्रमणको योजनाको लागि गरेको प्रयासको लागि तारिफ गर्छौं। हामि आगामी दिनमा पनि प्रतियोगिताको सुरक्षा, कोभिड-१९ प्रोटोकल र अन्य व्यवस्थापनमा नजिक रहेर काम गर्नेछौँ।” उनले बताए।

अन्तिम पटक अस्ट्रेलियाले सन् १९९८ मा पाकिस्तान भर्मन गर्दा भ्रमण टोलिले टेस्ट सिरिज १-० ले जितेको थियो भने लगत्तै एकदिवसीय अन्तर्राष्ट्रिय सिरिज पनि जितेको थियो। त्यसपछि पाकिस्तानले अस्ट्रेलियाको आतिथ्य सन् २००२ मा शारजाहमा, सन् २०१० मा इंग्ल्यान्डमा तथा २०१४ र २०१८ मा युएईमा गरेको थियो।

२०७८ कार्तिक २२, सोमबार मा प्रकाशित

Loading...

Leave a Comment