T20WC : पहिलो सेमीफाइनलमा इंग्ल्यान्ड र न्युजिल्यान्ड खेल्दै

टि-२० विश्वकप २०२१ को पहिलो सेमीफाइनलमा इंग्ल्यान्ड र न्युजिल्यान्ड प्रतिस्पर्धा गर्दैछन्। खेल नेपाली समय ७:४५ बजे राति युएईको शेख जायद स्टेडियम, अबुधाबीमा हुनेछ।

इंग्ल्यान्ड सुपर-१२ चरणमा समुह ‘१’ को विजेताको रुपमा तथा न्युजिल्यान्ड समुह ‘२’ को उपविजेताको रुपमा सेमीफाइनल प्रवेश गरेको हो। दक्षिण अफ्रीकासंग अन्तिम खेलमा १० रनको हार बाहेक इंग्ल्यान्डले सुरुवाती ४ खेलमा जित दर्ता गर्ने क्रममा वेस्टइन्डिजलाई ६ विकेटले, बंगलादेशलाई ८ विकेटले, अस्ट्रेलियालाई ८ विकेटले तथा श्रीलंकालाई २६ रनले पराजित गरेको थियो।

अर्कोतर्फ न्युजिल्यान्ड पहिलो खेलमा पाकिस्तानसंग ५ विकेटले पराजित भएपछि लगातार ४ जित दर्ता गर्ने क्रममा भारतलाई ८ विकेटले, स्कटल्याण्डलाई १६ रनले, नामिबियालाई ५२ रनले तथा अफगानिस्तानलाई ८ विकेटले पराजित गरेको थियो।

हेड टु हेड: इंग्ल्यान्ड र न्युजिल्यान्ड बीच टि-२० अन्तर्राष्ट्रिय क्रिकेट इतिहासमा २१ पटक प्रतिस्पर्धा भएको छ जसमध्ये १३ खेलमा इंग्ल्यान्ड तथा ७ खेलमा न्युजिल्यान्ड विजयी भएको छ। टि-२० विश्वकपको कुरा गर्दा दुई टिम बीच भएको ५ भेटमा ३ पटक इंग्ल्यान्ड तथा २ पटक न्युजिल्यान्ड विजयी भएका छन्। अन्तिम पटक टि-२० विश्वकप २०१६ मा इंग्ल्यान्ड ७ विकेटले विजयी भएको थियो। दुई टिम बीच खेलिएका अन्तिम ५ टि-२० अन्तर्राष्ट्रियमा इंग्ल्यान्ड ३ पटक र न्युजिल्यान्ड २ पटक विजयी भएका थिए। 

इंग्ल्यान्ड टिमका ब्याट्सम्यानहरु राम्रो लयमा छन्। जोस बटलर र जेसन रोयले शानदार सुरुवात दिलाएका छन् भने डेविड मलान, जोनी बेयरस्टो, ओएन मोर्गन, लियाम लिभिंगस्टोन र मोईन अलिले जिम्मेवारीपूर्वक ब्याटिंग गरिरहेका छन्। जेसन रोय घाइते भएर प्रतियोगताबाट बाहिर हुँदा इंग्ल्यान्डलाई नोक्सान पक्कै हुनेछ जसको स्थानमा बेयरस्टोले ओपनिंग गर्न सक्छन्। बलिंगको कुरा गर्दा क्रिस वोक्स, क्रिस जोर्डन र मार्क वुड फास्ट बलिंगमा तथा स्पिनमा आदील रशिद र मोईन अलिले राम्रो लय देखाएका छन्। 

इंग्ल्यान्डको सम्भावित ११ : जोस बटलर ( विकेटकिपर ), जोनी बेयरस्टो, डेविड मलान, मोईन अलि, ओएन मोर्गन ( कप्तान ) , लियाम लिभिंगस्टोन, स्याम बिलिंग्स, क्रिस वोक्स, क्रिस जोर्डन, मार्क वुड, आदील रशिद

न्युजिल्यान्डका कप्तान विलियमसनलाई टिममा परिवर्तन गर्नुपर्ने आवस्यकता छैन। मार्टिन गप्टिल र डेरेल मिचेल ओपनिंगमा राम्रो लयमा छन्। मध्यक्रममा कप्तान विलियमसन, डेभोन कनवे, ग्लेन फिलिप्स र जेम्स निशम भरपर्दो प्रदर्शन गरिरहेका छन्। फास्ट बलर ट्रेन्ट बोल्ट र टिम साउदी तथा स्पिनमा इश सोढी शानदार लयमा हुँदा इंग्ल्यान्ड ब्याट्सम्यानलाई पक्कै सहज हुने छैन। 

न्युजिल्यान्डको सम्भावित ११ : मार्टिन गप्टिल, डेरेल मिचेल, डेभोन कनवे ( विकेटकिपर ), केन विलियमसन ( कप्तान ), जेम्स निशम, ग्लेन फिलिप्स, मिचेल स्यान्टनर, टिम साउदी, एडम मिल्ने, ट्रेन्ट बोल्ट, इश सोढी

भारतीय क्रिकेटरलाई कपिल देवको आरोप “देश महत्वपूर्ण कि आईपीएल ?

२०७८ कार्तिक २४, बुधबार मा प्रकाशित

Loading...

Leave a Comment