पहिलो पटक टि-२० विश्वकप फाइनल पुगेपछि विलियमसनले के भने

इंग्ल्यान्डलाई ५ विकेटले पराजित गर्दा न्युजिल्यान्ड इतिहासमै पहिलो पटक टि-२० विश्वकपको फाइनल पुग्न सफल भयो। बुधबार राति इंग्ल्यान्डले दिएको १६७ रनको लक्ष्य १ ओभर बाँकी रहँदै पछ्याएको न्युजिल्यान्डले फाइनलमा दोश्रो सेमीफाइनलमा पाकिस्तान र अस्ट्रेलिया बीचको खेलको विजेतासंग प्रतिस्पर्धा गर्नेछ। 

जितपछि न्युजिल्यान्ड कप्तान केन विलियमसनले दबाबमा उत्कृस्ट ब्याटिंग गरेका ओपनर डेरेल मिचेल र जेम्स निशमको तारिफ गरे – 

“प्राय खेलाडीहरुलेसंगै धेरै प्रतियोगिता खेलीसकेका छन्। थाहा थियो कि खेल रोचक हुनेछ। उनीहरुले प्रतिस्पर्धात्मक योगफल बनाए। हामीले साझेदारी बनाईराख्नु पर्थ्यो र सहि समयको प्रतीक्षा गर्नु पर्थ्यो। राम्रो पक्ष हामीले विकेट जोगायों।”  

“मिचेलले दबाबमा सुन्दर ब्याटिंग गरे र जब आवस्यकता थियो तब ठूलो सट प्रहार गरे। टि-२० क्रिकेट थोरै अन्तरको खेल हो। मैदानको एकापट्टीको छोटो भाग खेलमा निर्णायक बन्न सक्छ। उनि आएर र कडा प्रहारहरु गरे जुन काम उनले गर्दै आएका छन्। त्यसैले गर्दा गति प्राप्त भयो।”  जित मुस्किल देखिएको बेला मिचेल र निशमले पाँचौ विकेटको लागि मात्र १७ बलमा ४० रनको साझेदारी गरेका थिए। 

“हामि खेल ( दोश्रो सेमीफाइनल ) हेर्ने छौँ र रोचक हुने अपेक्षा छ। थाहा छ हामीलाई अर्को चुनौती आउदैछ र ध्यान त्यसैतर्फ केन्द्रीत गर्नेछौँ।” उनले थपे।  

हारपछि इंग्ल्यान्ड कप्तान ओएन मोर्गनले खेल जित्न पर्याप्त योगफल नबनाएको बताए – “केन र उनको टिमले हामीलाई पूर्णतः परास्त गरे। म केहि कुरालाई पनि दोष दिन चाहन्न। हामीले कडा प्रयास गर्यौं तर आज थोरैले चुक्न पुग्यौं। म मेरा खेलाडीहरु प्रति गर्व गर्छु। हामीले छक्का हान्न संघर्ष गर्यौं र पिचले पनि दोहोरो चरित्र देखायो। हामीले औशत योगफल तयार गर्यौं जुन बीचमा पुग्दा महसुस गरेको थिएँ। उनको ( निशम ) पहिलो बलबाटै छक्का हान्ने क्षमता छ जसलाई पुरै श्रेय जान्छ।”  

२०७८ कार्तिक २५, बिहीबार मा प्रकाशित

Loading...

Leave a Comment