न्युजिल्यान्ड बिरुद्ध टेस्ट सिरिजको लागि भारतीय टिमको घोषणा

न्युजिल्यान्ड बिरुद्ध घरेलु भूमिमा नोभेम्बर २५ तारिख देखि सुरु हुने दुई टेस्टको सिरिजको लागि भारतले टिमको घोषणा गरेको छ। भारत र न्युजिल्यान्ड बीच नोभेम्बर १७, १९ र २१ तारिखमा तिन वटा टि-२० अन्तर्राष्ट्रियको सिरिज खेलिनेछ जसपछि नोभेम्बर २५ र डिसेम्बर ३ तारिखमा दुईवटा टेस्ट खेलिनेछ।

घोषित टिममा रोहित शर्मा, रिशभ पन्त, जस्प्रित बुम्राह र मोहम्मद शामी छैनन् जसलाई आराम दिईएको छ। बिराट कोहली भने पहिलो टेस्टमा आराम गर्दै डिसेम्बर ३ बाट सुरु हुने दोश्रो टेस्ट खेल्नेछन्। टेस्ट सिरिज अघि हुने तिन वटा टि-२० अन्तर्राष्ट्रियको सिरिज भने कोहलीले खेल्ने छैनन्। कोहलीको स्थानमा पहिलो टेस्टमा भारतको कप्तानी अजिंके रहानेले गर्नेछन् भने चेतेश्वर पुजारा उपकप्तानको भूमिकामा हुनेछन्।

रिशभ पन्तको स्थानमा विकेटकिपरको रुपमा रिद्धिमान शाह टिममा छन् भने ब्याक अप किपरको रुपमा श्रीकर भारत छन्। टिममा टेस्ट डेब्यु नगरेका श्रेयस ऐयरलाई पनि मौका दिईएको छ। टेस्ट च्याम्पियनसिप फाइनलमा टिममा रहेका शुबमन गिल पनि टिममा छन्।


इंग्ल्यान्ड बिरुद्ध टेस्ट सिरिजमा हिस्सा रहेका सूर्यकुमार यादव, पृथ्वी श, हनुमा विहारी, अभिमन्यु ईश्वरनलाई बाहिर राखिएको छ। अन-क्याप्ड प्रसिध कृष्णा, जयन्त यादव पनि टिमको हिस्सा छन्।

१६ सदस्यीय भारतीय टेस्ट टिम : अजिंके रहाने ( कप्तान , पहिलो टेस्ट ) , बिराट कोहली ( दोश्रो टेस्टको कप्तान, पहिलो खेलमा आराम ) , केएल राहुल, मायाँक अग्रवाल, चेतेश्वर पुजारा, शुबमन गिल, श्रेयस ऐयर, रिद्धिमान शाह ( विकेटकिपर ) , श्रीकर भारत ( विकेटकिपर ) , रभीन्द्र जडेजा, रभीचन्द्रन आश्विन, अक्षर पटेल, जयन्त यादव, इशान्त शर्मा, उमेश यादव, मोहम्मद सिराज, प्रसिध कृष्णा

१६ सदस्यीय टिम ( टि-२० ) : रोहित शर्मा ( कप्तान ) , केएल राहुल, रुतुराज गायकवाड, श्रेयस ऐयर, सुर्यकुमार यादव, रिशभ पन्त ( विकेटकिपर ) , इशान किशन ( विकेटकिपर ) , भेंकटेस ऐयर, युजभेन्द्र चाहल, रभीचन्द्रन आश्विन, अक्षर पटेल, आभेस खान, भुवनेश्वर कुमार, दिपक चाहर, हर्षल पटेल र मोहम्मद सिराज

२०७८ कार्तिक २६, शुक्रबार मा प्रकाशित

Loading...

Leave a Comment