टि-२० विश्वकप जितेको अस्ट्रेलियाले कति जित्यो पुरस्कार रकम

न्युजिल्यान्डलाई ८ विकेटले पराजित गर्दै अस्ट्रेलियाले पहिलो पटक टि-ट्वान्टी विश्वकप जित्न सफल भएको छ। युएईको दुबई अन्तर्राष्ट्रिय स्टेडियममा सम्पन्न फाइनलमा न्युजिल्यान्डले दिएको १७३ रनको लक्ष्य २ विकेट क्षेतीमा पुरा गर्दै अस्ट्रेलियाले उपाधि जित्यो। 

टि-२० विश्वकपको विजेता र अन्य पुरस्कारमा आईसीसीले ५६ लाख डलर ( करिब ६६ करोड ७३ लाख नेपाली रुपैयाँ ) पुरस्कार राशि राखेको थियो। 

उपाधि सहित अस्ट्रेलियाले १६ लाख डलर अर्थात् करिब १९ करोड ६ लाख नेपाली रुपैयाँ पुरस्कार रकम हात पार्यो। यस्तै उपविजेता न्युजिल्यान्डले ८ लाख डलर अर्थात् करिब ९ करोड ५३ लाख नेपाली रुपैयाँ हात पार्यो।

प्रतियोगिताको सेमीफाइनलबाट बाहिरीएका दुई टोलि पाकिस्तान र इंग्ल्यान्डले ४ लाख डलर ( करिब ४ करोड ७६ लाख नेपाली रुपैयाँ ) पाए। यस्तै सुपर-१२ चरणबाट बाहिर भएका ८ वटा टोलिहरुले ७०,हजार डलर ( करिब ८३ लाख नेपाली रुपैयाँ ) पाए। 

यस बाहेक सुपर-१२ चरणमा एउटा खेलमा जित दर्ता गर्दा टिमले एउटा जितको ४० हजार डलर ( ३२ खेलको १२ लाख डलर ) पुरस्कार पाए। यस्तै समुह चरणमा प्रत्येक खेलको जितको लागि समेत टिमहरुले प्रति खेल ४० हजार डलर ( १२ खेलको कुल ४ लाख ८० हजार डलर ) पाए। 

आईसीसीको २०१९ एकदिवसीय विश्वकप विजेता इंग्ल्यान्डले ४८ लाख डलर तथा उपविजेता न्युजिल्यान्डले २२ लाख डलर पुरस्कार रकम जितेको थियो।

२०७८ कार्तिक २८, आईतवार मा प्रकाशित

Loading...

Leave a Comment