५ मंसिर, बारा ।
बाराको हरपुरमा आयोेजित हरपुर च्याम्पियन्स ट्रफि सिजन २ अन्तर्गतको तेश्रो दिनको खेलमा हासिम अंसारीको उत्कृष्ट ब्याटिंगले प्रदेश नं. २ ले प्रदेश नं. १ लाई ३ विकेटले पराजित गर्दै सेमिफाइनमा आफनो स्थान पक्का गरेको छ ।
हरपुर क्रिकेट मैदानमा प्रदेश नं. १ ले टसजिती पहिलो ब्याटिंग गर्ने निर्णय गर्दै निर्धारित २० ओभरको खेलमा ६ विकेट गुमाई १०२ रन मात्र जोडन सकेको थियो। प्रदेश नं. १ लाई सस्तोमा समेटन प्रदेश २ का तर्फबाट किर्तिमानी खेलाडि महवुव आलमले उत्कृष्ट बलिंग गर्दै ४ ओभरको आफनो स्पेलमा ९ रन दिई महत्वपुर्ण २ विकेट लिएका थिए भने सैफुल्लाह अंसारी, रुपेश सिंह, कुमार थापा र बिशाल शुसलिंगले सामान १ बिकेट लिएका थिए । प्रदेश नं. १ का लागि समिर कार्कि र श्रवण यादवले नटआउट रहि क्रमशः २५ र १८ रनको योगदान दिएका थिए भने मुकुन्द यादवले २२, बिधान गोश्वामीले २० तथा सिद्धान्त लोहनीले १२ रनको योगदान दिएका थिए ।
१ सय ३ रनको झिनो लक्ष्य लिई मैदानमा ओर्लेको प्रदेश नं. २ ले उक्त लक्ष्य १८ ओभर ३ बलमा पुरा गरेको थियो जसमा हासिम अंसारीले उत्कृष्ट ब्याटिंग गर्दै ५० बलमा ५ चौक्काको मद्धतले नटआउट रहि ५४ रनको योगदान दिए भने उनलाई नसरुदिन अंसारी र सुरज प्रसाद कुर्मि क्रमश : १३ र ११ ले साथ दिएका थिए । बलिंगतर्फ प्रदेश नं. १ का लागि मुकुन्द यादव र सिद्धान्त लोहनीले सामान २ तथा जोशक खडका, श्रवण यादव र मिनाश थापाले सामान २ बिकेट लिएका थिए ।
खेलको म्यान अफ द म्याच उत्कृष्ट ब्याटिंग गरे वापत प्रदेश नं. १ का हासिम अंसारी भएका थिए ।
प्रतियोगितामा प्रदेश नं. १, २, ४, ५ लगायत नेपाल आर्मि, शसस्त्र प्रहरि तथा नेपाल प्रहरि लगायतको टोलिको सहभागिता रहेको छ । प्रतियोगिता अन्र्तगत प्रदेश नं. २ ले आफनो सेमिफाईनल अगामि मंसिर १० गते खेल्नेछ ।