रौतहटलाई प्रदेश-२ यु-१९ छनोटको उपाधि, विवेक यादव कप्तानीमा टिमको घोषणा

७ मंसिर, रौतहट

रौतहटमा जारी प्रदेश २ स्तरीय वाई वाई यु १९ एकदिवसिय छनौट प्रतियोगिताको उपाधी रौतहटले सप्तरीलाई ४ विकेटले हराउदै चुमेको छ।

गौरको मिल्स मैदानमा मंगलबार सप्तरीले टस जिती पहिलो ब्याटिंग गर्ने निर्णय गर्दै निर्धारित ३५ ओभरको खेलमा सप्तरीले २९ ओभर ५ बलमा सम्पुर्ण विकेट गुमार्ई १ सय ३४ रनमै समेटिएको थियो । सप्तरीका लागि अमित यादवले ४८ रन, अभिशेक कार्किले १७, मो. सकिमले नटआउट रहि ११, बिबेक यादव १२ तथा आशिष झा र नितेश यादवले सामान १० रनको योगदान दिएका थिए । बलिंगतर्फ रौतहटका नरेश साह र नितेश यादवले सामान ३ बिकेट लिएका थिए भने शन्नि साहले १ विकेट लिएका थिए ।

१ सय ३५ रनको झिनो लक्ष्य लिई मैदानमा ओर्लेको रौतहटले सजिलै २४ ओभर ३ बलमा ६ बिकेटको नोक्सानीमा भेटाएका थिए । रौतहटका लागि अस्चल चौधरीले ३४, राज पटेलले नटआउट रहि ३४, शन्नि साहले २१ तथा रेहान जाकिरले १६ रनको योगदान दिएका थिए । बलिंग तर्फ सप्तरीका पप्पु यादवले ३ तथा बिवेक यादव, अभिशेक कार्कि र मो. सकिमले सामान १ बिकेट लिएका थिए ।

खेलको म्यान अफ द म्याच रौतहटका नरेश साह भए

खेलको म्यान अफ द म्याच रौतहटका नरेश साह भएका थिए भने प्रतियोगिता भरि उत्कृष्ट प्रर्दशन गरे वापत म्यान अफ द सेरिज सप्तरीका बिवेक यादवलाई प्रदान गरिएको थियो । त्यसै गरि प्रतियोगिताको उत्कृष्ट ब्याट्सम्यान पर्साका सन्तोष कार्कि तथा बेष्ट बौलर रौतहटका नितेश यादव भएका थिए ।

बिवेक यादवको कप्तानीमा प्रदेश २ को टोलि घोषणा

यसै बिच प्रदेश क्रिकेट संघले प्रदेश-२ को टोलिको जिम्मेवारी बिवेक यादवलाई दिदै टोलिको घोषणा गरेको छ । टोलिमा गुल्शन झालाई उपकप्तानको जिम्मेवारी दिइएको छ भने टोलिमा सन्तोष कार्कि, रोहन बिक, तिर्थराज दास, अमित यादव, आशिष झा, शन्नि साह, आदिल अंसारी, राजेश यादव, समसाद मंसुरी, प्रदिप पासवान, पुरज ढुंगेल र अजय यादव रहेका छन ।

यसै गरी ४ वैकल्पिक खेलाडीहरुमा अल्फाज मन्सुरी, अरुण मण्डल, ओमन गतराज र आस्चल चौधरी रहेका छन्। टोलिको प्रशिक्षकको जिम्मेवारी अनिल शर्मालाई दिइएको छ भने ब्यवस्थापकको जिम्मेवारी बिरेन्द्र यादवलाई दिई पठाइएको छ । प्रदेश २ को पहिलो खेल बिहिवार सुदर पश्चिम प्रदेश संग त्रिभुवन अन्तराष्ट्रिय क्रिकेट मैदानमा हुनेछ ।

२०७८ मंसिर ८, बुधबार मा प्रकाशित

Loading...

Leave a Comment