मलेसियाद्वारा नेपाललाई समान्य लक्ष्य

युएईमा जारि आईसीसी महिला टि-ट्वान्टी विश्वकप छनोट प्रतियोगिता अन्तर्गत आफ्नो चौंथो खेलमा नेपाल मलेसियासंग प्रतिस्पर्धा गर्दैछ।

आईसीसी क्रिकेट एकेडेमी मैदानमा टस हारेर ब्याटिंग गरेको मलेसियाले २० ओभरमा ७ विकेट गुमाउदै ९२ रन बनाउदै नेपाललाई ९३ रनको सामान्य लक्ष्य प्रस्तुत गरेको छ।

मलेसियाको लागि इल्सा हन्टरले सर्वाधिक अविजित ३९ रन योगदान दिईन् जुन क्रममा ४७ बलमा ४ चौका प्रहार गरिन्। मास इल्स्याले १४, युश्रीना याकुपले १२ रन बनाईन्। ३२ रनमा ३ विकेट गुमाएको अवस्थामा चौंथो विकेटको लागि हन्टर र इल्स्या बीच ३० रनको साझेदारी इनिंग्सको सर्वाधिक साझेदारी रह्यो।

नेपालको बलिंगमा सबनम राईले २ विकेट ( ४-१-२७-२ ) तथा कविता कुँवर ( ४-१-९-१ ) , सिता राना मगर ( ४-०-१६-१ ) र रुबिना क्षेत्री ( ४-०-९-१ ) ले समान एक विकेट लिए।

प्रतियोगिताको पहिलो खेलमा हंगकंगसंग ६ विकेटले पराजित भएको नेपालले दोश्रो खेलमा भुटानलाई ८ विकेटले र तेश्रो खेलमा कुवेतलाई ९ विकेटले पराजित गरेको थियो। मलेसिया पहिलो खेलमा युएईसंग ३० रनले पराजित हुँदा दोश्रो खेलमा कुवेतलाई ८१ रनले पराजित गरेको थियो भने तेश्रो खेलमा हंगकंगसंग ४ विकेटले पराजित भएको थियो।

सन् २०२३ को फेब्रुअरीमा दक्षिण अफ्रीकामा आयोजना हुने महिला विश्वकप टि-ट्वान्टी विश्वकपको छनोट अन्तर्गत नेपालले पहिलो खुड्किलोको रुपमा एसिया छनोट खेलीरहेको हो। प्रतियोगितामा नेपाल सहित आयोजक युएई, भुटान, हंगकंग, मलेसिया र कुवेत गरि ६ टोलि सहभागी छन्। सहभागी ६ टिमले एकअर्का संग एक/एक खेलमा प्रतिस्पर्धा गरेपछि उत्कृस्ट हुने एउटा टिम आगामी वर्ष आयोजना हुने ग्लोबल छनोट प्रतियोगितामा छनोट हुनेछ।

२०७८ मंसिर १०, शुक्रबार मा प्रकाशित

Loading...

Leave a Comment