PM CUP Women’s : पहिलो दिन दुई खेल हुँदै

प्रधानमन्त्री कप महिला क्रिकेट प्रतियोगिताको सातौं संस्करण धनगढीको फाप्ला मैदानमा आज ( शनिवार ) सुरु हुँदैछ।

पहिलो दिन समुह ‘ए’ अन्तर्गतका दुई खेल हुनेछन्। दिनको पहिलो खेलमा बिहान ९ बजे डिफेन्डिङ च्याम्पियन प्रदेश नम्बर-१ र कर्णाली प्रदेश तथा दिनको दोश्रो खेलमा दिउँसो १ बजे बागमती प्रदेश र लुम्बिनी प्रदेश प्रतिस्पर्धा गर्नेछन्। खेलहरुको प्रत्यक्ष प्रशारण एक्सन स्पोर्ट्स च्यानलले गर्नेछ।

पुस ३ गतेदेखि ११ गतेसम्म सञ्चालन हुने प्रतियोगितामा आठ टोलीको सहभागिता छ। सहभागी टोलीलाई दुई समूहमा विभाजन गरिएको छ । समूह ‘ए’ मा प्रदेश १, लुम्बिनी प्रदेश, बागमती प्रदेश र कर्णाली प्रदेश रहेको छ । समूह ‘बी’ बाट नेपाल एपीएफ क्लब, गण्डकी प्रदेश, सुदूरपश्चिम प्रदेश र प्रदेश २ ले प्रतिस्पर्धा गर्दैछन् । दुवै समूहका टोलिहरुले एकअर्कासंग एक-एक खेल खेलेपछि अंकतालिकामा उत्कृस्ट हुने दुई/दुई टिमले सेमीफाइनलमा प्रतिस्पर्धा गर्नेछन्।

खेल तालिका

प्रतियोगिताको गत संस्करण दाङमा आयोजना भएको थियो जसको उपाधि रुबिना क्षेत्री कप्तानीको प्रदेश नम्बर-१ ले जितेको थियो। फाइनलमा उसले शशस्त्र प्रहरी बल ( एपीएफ ) लाई ६ रनले पराजित गरेको थियो। अघिल्लो संस्करण बाहेक प्रतियोगिताको अन्य सम्पूर्ण संस्करण एपीएफले जितेको थियो।

प्रतियोगिता आयोजना हुने धनगढीको फाप्ला क्रिकेट मैदान

२०७८ पुष ३, शनिबार मा प्रकाशित

Loading...

Leave a Comment