अस्ट्रेलियामा जारि एशेज सिरिज अन्तर्गत एडीलेड ओभलमा जारि दोश्रो टेस्टको चौंथो दिन समाप्तिमा अस्ट्रेलिया जिततर्फ अघि बढेको छ।

चौंथो दिनको समाप्तिमा अस्ट्रेलियाले दिएको ४६८ रनको लक्ष्य पछ्याएको इंग्ल्यान्डले ४३.२ ओभरमा ४ विकेट गुमाएर ८२ रन बनाएको छ। क्रिजमा बेन स्टोक्स ३ रन बनाएर अविजित छन्। रोरी बर्न्स ३४, जोए रुट २४ तथा डेविड मलान २० रन बनाएर आउट भए। हसिब हमिदले खाता खोल्न सकेनन्। इंग्ल्यान्ड बलर झाई रिचर्डसनले २ ( ८-४-१७-२ ) तथा मिचेल स्टार्क र मिचेल नेसेरले समान एक विकेट लिए।

यस अघि अस्ट्रेलियाले ६१ ओभरमा ९ विकेट क्षेतीमा २३० रन बनाउदै इनिंग्स समाप्तिको घोषणा गरेको थियो। मार्नस लाबुसेन र ट्रेभिस हेडले समान ५१ रन, क्यामरन ग्रिनले ३३ रन योगदान दिए। इंग्ल्यान्डको बलिंगमा ओली रोबिन्सन, जो रुट र डेविड मलानले समान दुई विकेट तथा जेम्स एण्डरसन र स्टुवार्ट ब्रोडले समान एक विकेट लिए।

टेस्टको पहिलो इनिंग्समा अस्ट्रेलियाले ४७३/९ मा इनिंग्स समाप्तिको घोषणा गरेको थियो। इंग्ल्यान्डले पहिलो इनिंग्समा २३६ रन बनाएको थियो।

सिरिज अन्तर्गत पहिलो टेस्ट अस्ट्रेलियाले ९ विकेटले जितेको थियो।