डिसेम्बर २३ तारिख देखि युएईमा सुरु हुने अन्डर-१९ एसिया कप प्रतियोगितामा सहभागी हुन मंगलबार युएई पुगेको नेपाली युवा क्रिकेट टिमले बुधबार शारजाह क्रिकेट मैदानमा अभ्यास गरेको छ।
८ टोलि सहभागी प्रतियोगितामा नेपाल समुह ‘बि’ मा छ जुन समुहमा बंगलादेश, श्रीलंका र कुवेत छ। समुह ‘ए’ मा भारत, पाकिस्तान,अफगानिस्तान र आयोजक युएई छ।
प्रतियोगिता अन्तर्गत नेपालले आफ्नो पहिलो खेल डिसेम्बर २४ तारिख ( शुक्रबार ) बंगलादेशसंग खेल्ने तालिका छ। दोश्रो खेल डिसेम्बर २६ तारिखमा श्रीलंकासंग तथा तेश्रो खेल खेल डिसेम्बर २८ तारिखमा कुवेतसग खेल्ने तालिका छ। समुह चरणमा तिन वटा खेल पछि अंकतालिकामा उत्कृस्ट हुने दुई टिम सेमीफाइनल पुग्नेछ।
देव खनाल नेतृत्वको नेपाली क्रिकेट टिमको प्रशिक्षकमा बसन्त शाही ठकुरी र सहायक प्रशिक्षकमा कलाम अलि रहेका छन्। टिमको उपकप्तानमा शेर मल्ल, दपेश कँडेल, विवेक यादव, गुलशन झा, विवेक राना मगर, सन्तोष कार्की, आदिल अन्सारी, तिलक राज भण्डारी, अर्जुन कुमाल, वासिर अहमद, दुर्गेश गुप्ता, प्रकाश जैसी, अर्जुन साउद र राहुल भण्डारी छन् ।
हेर्नुस नेपाली टिमको अभ्यास
