PMCUP : खेलाडीमा कोरोना देखिएपछि प्रदेश-१ र पुलिसको खेल स्थगित

खेलाडीमा कोरोना संक्रमण भएपछि काठमाडौँमा जारि प्रधानमन्त्री कप टि-ट्वान्टी राष्ट्रिय प्रतियोगिताको शनिवारको नेपाल पुलिस क्लब र प्रदेश नम्बर-१ बीचको विहान ९ बजे सुरु हुने पहिलो खेल स्थगित गरिएको छ।

क्यान श्रोतका अनुसार प्रदेश-१ को खेलाडीलाई कोरोना संक्रमण भएपछि आजको खेल स्थगित गर्ने निर्णय लिईएको हो। आज सम्पूर्ण खेलाडीहरुको कोभिड-१९ टेस्ट हुनेछ जसपछि खेलबारे नयाँ निर्णय लिईनेछ।

खेलाडीहरु सकुसल भएको खण्डमा आजको खेल रिजर्भ डेमा खेलाइने क्यानले जानकारी गराएको छ। सेमीफाइनल सुरु हुनु अघि सोमबार एक दिन रिजर्भ डे रहेको छ जसमा उक्त खेल हुन सक्नेछ। प्रदेश-१ ले हालसम्म दुई वटा खेल खेलेको छ भने बागमती र सुदूरपश्चिम प्रादेशसंग खेल्न बाँकी छ।

आजको बागमती प्रदेश र गण्डकी प्रदेश बीच हुने दोश्रो खेल भने दिउँसो १ बजे सुरु हुनेछ। यस खेलमा बागमती विजयी भए समुह ‘बि’ बाट उपविजेताको रुपमा सेमीफाइनल प्रवेश गर्नेछ। समुह ‘बि’ को विजेताको रुपमा सबै ४ खेल जित्दै एपीएफ सेमीफाइनल पुगीसकेको छ। समुह ‘ए’ बाट नेपाल पुलिस क्लब सेमीफाइनल पुगीसकेको छ।

२०७८ माघ १, शनिबार मा प्रकाशित

Loading...

Leave a Comment