गय राति सुरु भएको पाकिस्तान सुपर लिग अन्तर्गत पहिलो खेलमा मुल्तान सुल्तान्सले कराची किंग्सलाई ७ विकेटले पराजित गर्दै विजयी सुरुवात गरेको छ।
कराची स्थित नेसनल स्टेडियममा कराचीले दिएको १२५ रनको लक्ष्य मुल्तानले ३ विकेट क्षेतीमा १८.२ ओभरमा भेटायो। कप्तान तथा ओपनर मोहम्मद रिजवानले अविजित ५२, शोयब मक्सुदले ३०, शान मसुदले २६ तथा टिम डेभिडले अविजित १२ रन बनाए। रिजवान र मक्सुदले दोश्रो विकेटको लागि ६३ रनको साझेदारी गर्दै जितको आधार तयार पारे। कराचीको बलिंगमा मोहम्मद नाबीले २ तथा मोहम्मद इल्यासले १ विकेट लिए।
टस हारेर ब्याटिंग गरेको कराचीले २० ओभरमा ५ विकेट क्षेतीमा १२४ रन बनाएको थियो। उसको लागि ओपनर शर्जिल खानले सर्वाधिक ४३, जोए क्लार्कले २६ तथा बाबर आजमले २३ रन योगदान दिए। शर्जिल र बाबरले ६६ रनको ओपनिंग साझेदारी गरेका थिए।
मुल्तानका लेग स्पिनर इमरान ताहिरले सर्वाधिक ३ विकेट लिए जुन क्रममा ४ ओभरमा मात्र १६ रन खर्चिए। शाहनवाज दहानी र खुस्दिल शाहले समान एक विकेट लिए।
लिग अन्तर्गत शुक्रबार एक मात्र खेलमा क्वेटा ग्ल्याडीएटर्स र पेशावर जाल्मी प्रतिस्पर्धा गर्नेछन्। खेल नेपाली समय राती ७ बजे सुरु हुनेछ।
लिगमा मुल्तान सुल्तान्स, पेशावर जाल्मी, लाहोर कलन्दर्स, इश्लामावाद युनाइटेड, क्वेटा ग्ल्याडीएटर्स र कराची किंग्स गरि ६ टिम सहभागी छन्।