इश्लामवाद युनाइटेडलाई २० रनले पराजित गर्दै लगातार चौंथो जितका साथ मोहम्मद रिजवान कप्तानीको मुल्तान सुल्तान्स पाकिस्तान सुपर लिगको शिर्ष स्थानमा कायमै छ।
नेसनल स्टेडियम कराँचीमा गय राति सम्पन्न खेलमा मुल्तानले दिएको २१८ रनको लक्ष्य पछ्याएको इश्लामावादले १९.४ ओभरमा १९७ रनमा सम्पूर्ण विकेट गुमायो।
कप्तान शदाव खानले मात्र ४२ बलमा ५ चौका र ९ छक्का मद्दतले ९१ रन बनाएता पनि इश्लामावादलाई जिताउन पर्याप्त रहेन। अलेक्स हेल्सले २३, पल स्टरलिंगले १९ तथा रहमनुल्लाह गुर्बज र असिफ अलिले समान १५ रन योगदान दिए। मुल्तान्सका बलर खुस्दिल शाहले चार विकेट ( ४-०-३५-४ ) तथा डेभिड विलिले तिन विकेट ( ३.४-०-३८-३ ) लिए। रुमान रईस र अनवर अलिले समान एक विकेट लिए।
यस अघि टस हारेर ब्याटिंग गरेको मुल्तानले २० ओभरमा ५ विकेट क्षेतीआम २१७ रन बनाएको थियो। उसको लागि टिम डेभिडले सर्वाधिक ७१ रन योगदान दिए जुन क्रममा मात्र २९ बलमा ६ चौका र ६ छक्का प्रहार गरे। यस्तै राईलि रोसुले अविजित ६७ रन बनाउने क्रममा ३५ बलमा ४ चौका र ६ छक्का प्रहार गरे। शान मसुदले ४३ रन बनाए। चौंथो विकेटको लागि रोसु र डेभिडले ५० बलमा ११० रनको साझेदारी गरे। इश्लामावादका बलर हसन अलि, मोहम्मद वासिम र मर्चान्ट डी लांगेले समान एक विकेट लिए।
जितपछि चारवटै खेलमा जितको साथ ८ अंक सहित मुल्तान अंकतालिकाको शिर्षमा छ भने इश्लामावाद दुई खेलमा एक हार र एक जित पछि २ अंक सहित दोश्रो स्थानमा छ।
अंकतालिका
