सोमबार देखि सुरु हुने त्रिकोणात्मक टि-ट्वान्टी अन्तर्राष्ट्रिय सिरिज खेल्न मलेसियन राष्ट्रिय क्रिकेट टिम आइतबार नेपाल पुगेको छ।
टियु अन्तर्राष्ट्रिय क्रिकेट मैदानमा मलेसियाले आयोजक नेपाल र पपुवा न्यु गिनीसंग त्रिकोणात्मक सिरिज खेल्नेछ।
मलेसियाले सिरिजको पहिलो खेल मार्च २९ तारिख मंगलबार पपुवा न्यु गिनीसंग प्रतिस्पर्धा गर्नेछ। यस्तै उसले दोश्रो खेल नेपालसंग मार्च ३० तारिखमा, तेश्रो खेल अप्रिल १ तारिखमा पपुवा न्यु गिनीसंग तथा चौंथो खेल अप्रिल २ तारिखमा नेपालसंग खेल्ने तालिका छ।
सिरिजको उद्घाटन खेलमा सोमबार नेपाल र पपुवा न्यु गिनी बीच प्रतिस्पर्धा हुनेछ। खेल नेपाली समय १२:३० बजे दिउँसो सुरु हुनेछ।
मलेसियाले गत वर्ष पनि नेपाल र नेदरल्याण्डसंग नेपालमा टि-२० अन्तर्राष्ट्रिय सिरिज खेलेको थियो भने पपुवा न्यु गिनीले पहिलो पटक नेपालमा टि-२० अन्तर्राष्ट्रिय खेल खेल्न लागेको हो।
टि-ट्वान्टी अन्तर्राष्ट्रिय वरियतामा नेपाल १३ औं स्थानमा च भने पपुवा न्यु गिनी १९ औं र मलेसिया ३३ औं स्थानमा छ।