दोश्रो एकदिवसीयमा जिम्बाब्वे ए  लाई ९ विकेटले पराजित गर्दै नेपालले तिन खेलको एकदिवसीय सिरिज १-१ को बराबरी गरेको छ।

टियु अन्तर्राष्ट्रिय मैदानमा जिम्बाब्वेले दिएको ८८ रनको सामान्य लक्ष्य नेपालले ११. ओभरमा १ विकेट क्षतिमा भेटायो। स्कोरकार्ड 

लक्ष पछ्याउने क्रममा ओपनर सुनिल धमला र आसिफ शेखले ७९ रनको साझेदारी गर्दै सहज जिततर्द डोर्याए। ५ वर्ष पछि राष्ट्रिय टिममा पुनरागमन गरेका धमला ३८ रन बनाएर आउट भए जुन क्रममा ३८ बलमा ६ चौका प्रहार गरे। आसिफ शेखले अविजित ३४ रन बनाए जसले ३१ बलमा ६ चौका प्रहार गरे। बिनोद भण्डारीले अविजित ४ रन बनाए।

टस हारेर ब्याटिंग गरेको जिम्बाब्वे एले  ३१.५ ओभरमा ८७ रन बनायो। उसको लागि जोनाथन क्याम्पवेलले २७, ब्राड इभान्सले २० तथा केफस झुवाओले १० रन बनाए।

नेपालको बलिंगमा ओपनिंग पेसरद्वय करन केसी ( ८-३-१७-३ ) र सोमपाल कामिले ( ७-०-१६-३ ) २/२ विके, सन्दिप लामिछानेले २ विकेट ( ८.५-१-२६-२ ) र सागर ढकालले १ विकेट लिए।

सिरिज अन्तर्गत पहिलो खेलमा नेपाल ३ विकेटले पराजित भएको थियो। सिरिजको निर्णायक तेश्रो खेल सोमबार खेलिनेछ।