नेपाल सेमिफाइनलमा नै रोकियो

काठमाडौं । नेपाल काभा यु-२० महिला भलिबल च्याम्पियनसिपको सेमिफाइनलमा कीर्गिस्तानसँग पराजित भएको छ।

माल्दिभ्सको मालेमा सोमबार भएको दोस्रो सेमिफाइनल खेलमा नेपाल किर्गिस्तानसँग ३-० को सोझो सेटमा पराजित भएको हो ।

नेपालले १४-२५, २२-२५, १३-२५ को अन्तरमा तीनै सेट गुमायो ।

लिग चरणमा किर्गिस्तान दोस्रो र नेपाल तेस्रो स्थानमा रहेर सेमिफाइनल खेलेका थिए। लिग चरणमा पनि किर्गिस्तानसँग नेपाल ३-० को सेटमा पराजित भएको थियो ।

नेपालले अब तेस्रो स्थानका लागि माल्दिभ्सको सामना गर्नेछ ।

फाइनलमा किर्गिस्तान र श्रीलंका भिड्ने छन् । पहिलो सेमिफाइनलमा श्रीलंकाले आयोजनक माल्दिभ्सलाई ३-० को सोझो सेटमा पराजित गर्दै फाइनलमा स्थान बनाएको हो।

२०८१ श्रावण ८, मंगलवार मा प्रकाशित