इन्टर मियामी कोलम्बस क्रूसँग पराजित हुदै लिग्स कपको अन्तिम १६ बाट बाहिरिएको छ ।

कोलम्बसको घरेलु मैदान लोअर डट कम फिल्डमा बुधबार बिहान भएको खेलमा मियामी ३–२ ले पराजित भएको हो । खेलमा मियामीका लागि मार्टिएस रोजास र डिएगो गोमेजले समान १ गोल गरे । कोलम्बसका लागि क्रिश्चिएन रामिरेज १ तथा डियागो रोसीले २ गोल गरे ।

१० औं मिनेटमै रोजासले गोल गर्दै मियामीलाई सुरुआती अग्रता दिलाए। मियामीका लागि ६३ औं मिनेटमा गोमेजले अर्को गोल थपे। कोलम्बसका लागि ६७औं मिनेटमा रामिरेजले गोल गर्दै टोलीलाई खेलमा फर्काए । ७३ औं मिनेटमा रोसीले गोल गर्दै खेल २–२ को बराबरीमा ल्याए । ८१औं मिनेटमा रोसीले पुनः गोल थप्दै कोलम्बसलाई जित दिलाए ।