एर्लीङ हालान्डको ह्याट्रिक मद्दतमा साबिक विजेता म्यानचेस्टर सिटीले इंग्लिस प्रिमियर लिगमा लगातार दोस्रो जित दर्ता गरेको छ ।

घरेलु मैदान इतिहात स्टेडियममा सिटीले इप्सविच टाउन फुटबल क्लबमाथि ४-१ को सहज जित दर्ता गरेको हो । सिटीको जितमा हालान्डले ह्याट्रिक तथा केभिन डि ब्रुनले १ गोल गरे । इप्सविचका लागि स्यामी स्माडिकले १ गोल गरे ।

इप्सविचका स्माडिकले सातौं मिनेटमा गोल गर्दै सुरुवाती अग्रता दिलाएका थिए । सिटीका लागि १२औं मिनेटमा हालान्डले पेनाल्टिमार्फत गोल गर्दै खेल बराबरीमा ल्याए । १४औं मिनेटमा ब्रुन गोल गर्दै सिटीको अग्रता दोब्बर बनाए । दुई मिनेट पछि हालान्डले व्यक्तिगत दोस्रो गोल गरे । निर्धारित समय सकिनु २ मिनेट अघि हालान्डले आफ्नो ह्याट्रिक पूरा गर्दै सिटीको जित पक्का गरे ।

लगातार दोस्रो जितसँगै सिटीले ६ अंक जोडेको छ । सिटी अंक तालिकाको पहिलो स्थानमा छ । पहिलो खेलमा सिटीले चेल्सीलाई पराजित गरेको थियो ।