लिभरपुर फुटबल क्लबले इंग्लिस प्रिमियर लिग(इपिएल) मा लगातार दोस्रो जित निकालेको छ । लगातार दोस्रो जित हात पार्ने क्रममा लिभरपुलले ब्रेन्टफोर्ड फुटबल क्लबमाथि २-० को जित निकालेको हो ।

घरेलु मैदानमा भएको खेलमा लिभरपुलको जितका लागि लुईस डियाज र मोहम्मद सलाहले समान १ गोल गरे । खेलको १३औं मिनेटमा डिएगो जोटाको एसिस्टमा डियाजले लिभरपुललाई अग्रता दिलाए । पहिलो हाफमा दुवै तर्फबाट अन्य गोल हुन सकेन । ७०औं मिनेटमा सलाहले गोल गर्दै लिभरपुललाई जित दिलाए । सलाहको गोलमा डियाजको असिस्ट रहेको थियो ।

जितसँगै लिभरपुल २ खेलमा शतप्रतिशत जितको नतिजाका साथ चौथो स्थानमा छ । पराजित ब्रेन्टफोर्ड ३ अंकका साथ तेह्रौ स्थानमा छ । दोस्रो राउन्डको खेल सकिदा म्यान्चेस्टर सिटी अंक तालिकाको शीर्ष स्थानमा छ ।