आइपिएल नभए ४ हजार करोड नोक्सान हुनेछ : गांगुली

भारतीय क्रिकेट बोर्ड ( बिसीसीआई ) का अध्यक्ष सौरभ गांगुलीले आइपिएल आयोजना नभए बिसीसीआईलाई ठुलो नोक्सानी हुनेमा चिन्ता व्यक्त गरेका छन्।

भारतीय क्रिकेट टिमका पुर्व कप्तान गांगुलीले कोरोना महामारीका कारण आइपिएल १३ आयोजना नभए ४ हजार करोड नोक्सान हुने बताएका छन्। आइपिएल २०२० मार्च २९ तारिकबाट सुरु हुनपर्ने थियो जुन कोरोनाका कारण अनिश्चितकालको लागि सारिएको छ। भारतले लकडाउन गरे पछि आइपिएल आयोजना झनै मुस्किल भएको थियो जसकारण प्रतियोगिता अनिश्चित बनेको हो।

प्रतियोगिता आयोजना नभए बोर्डले तलबकट्टा गर्ने परिस्थिति आउने गांगुलीले बताए।

“आइपिएल आयोजना नहुँदा हामीलाई ४ हजार करोड नोक्सान हुनेछ, जुन निकै ठुलो हो। आइपिएल आयोजना भए हामिले तलबकट्टा गर्ने परिस्थिति आउदैन, हामीले व्यवस्था गर्न सक्छौं।”

 बन्दस्टेडियममा आयोजना गर्न सकिने 

आइपिएल आयोजना बन्द स्टेडियममा दर्शक बिना गर्ने सुझाव आएको पनि गांगुलीले बताएका छन्। तर दर्शकको प्रत्यक्ष प्रतिक्रिया बिना खेल आकर्षक नहुने उनको धारणा रहेको छ।

“मलाई याद छ दर्शकको खराब व्यवहार पछि १९९९ मा इडन गार्डनमा पाकिस्तानमा एसियन टेस्ट च्यापियनसिपको अन्ति दिनको खेल दर्शक बिना खेलेका थियौं। उक्त खेलमा कुनै उत्साह थिएन।”

“खेलहरु सामाजिक दुरी कायम गरेर सिमित दर्शकको बीच खेल्न सकिन्छ तर त्यसको लागि सुरक्षाको व्यवस्था निकै कडा हुनुपर्छ। हामि निकै मुस्किल अवस्थामा छौँ कुनै पनि निर्णयमा पुग्न” गांगुलीले बताए।

आइपिएलको आयोजना गर्न श्रीलंका र युएई जस्तो देशले प्रस्ताव गरेका छन् जसबारे पनि भारतले निर्णय लिएको छैन।

२०७७ जेष्ठ ३, शनिबार मा प्रकाशित

Loading...

Leave a Comment